Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de agosto

Elee Isaías 42:8 ha ere: “Ko téysto ohechauka Ñandejára oguerekoha héra. Ndépa mbaʼe repensa, ¿iñimportántepa jaiporu Ñandejára réra? [Ehaʼarõ tombohovái.] Emañamína mbaʼépa heʼi ko rrevísta”. Ehechauka chupe Ñemañaha julio-septiembre ha ehesaʼỹijo hendive pe primer porandu oĩva páhina 16-pe. Upéi eikuaveʼẽ chupe pe rrevísta ha eporandu arakaʼépa ikatu reho jey hendápe pehesaʼỹijo hag̃ua ótro porandu.

Ñemañaha Julio-septiembre

“Koʼág̃a heta hénte ipire vai ijetuʼu rupi la situasión. Umi ndorekóiva traváho ojepyʼapy ha umi orekóva katu okyhyje opytárõ g̃uarã travahoʼỹre. Tahechaukamína ndéve peteĩ konsého omeʼẽva la Biblia [elee Mateo 6:34]. Ndépa mbaʼe repensa, ¿ikatúnepa ñanepytyvõ ko konsého jaleevaʼekue? [Ehaʼarõ tombohovái.] Ko rrevísta omombeʼu mbaʼépa ikatu jajapo jaiporu porã hag̃ua ñande pláta ha ani hag̃ua jajepyʼapyeterei.” Ehechauka chupe pe artíkulo oĩva páhina 30-pe.

¡Despertad! Agosto

“Koʼág̃a rupi oĩ heta okyhyjéva osẽ hag̃ua haʼeño, ha koʼýte pyharekue. Ndépa mbaʼe repensa, ¿mbaʼépa jajapokuaa pono jaiko kyhyjepópe? [Ehaʼarõ tombohovái.] Taleemína ndéve peteĩ profesía oĩva la Bíbliape [elee Salmo 72:7]. Ko rrevísta omombeʼu mbaʼéichapa oñekumplíta ko téysto heʼíva, ha avei mbaʼépa jajapokuaa káda uno jaiko hag̃ua pyʼaguapýpe.”