Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de septiembre

Elee Isaías 42:8 ha ere: “Ko téysto ohechauka Ñandejára oguerekoha héra. Ndépa mbaʼe repensa, ¿iñimportántepa jaiporu Ñandejára réra? [Ehaʼarõ tombohovái.] Emañamína mbaʼépa heʼi ko rrevísta”. Ehechauka chupe Ñemañaha Julio-septiembre ha ehesaʼỹijo hendive pe primer porandu oĩva páhina 16-pe. Upéi eikuaveʼẽ chupe pe rrevísta ha eporandu arakaʼépa ikatu reho jey hendápe pehesaʼỹijo hag̃ua ótro porandu.

Ñemañaha Julio-septiembre

“Mbaʼépa nde repensa, ¿mávapa ikatu ñanepytyvõ jadesidi porã hag̃ua peteĩ mbaʼe iñimportánteva? [Ehaʼarõ tombohovái ha upéi elee Proverbios 3:5, 6.] Ñandejára ningo oipota ñapensa raẽ mbaʼépa oguerúta ñandéve tenonderãme umi mbaʼe jadesidíva koʼág̃a, ko rrevísta omyesakã mbaʼérepa iporã jajapo upéva.” Ehechauka chupe pe artíkulo oĩva páhina 26-pe.

¡Despertad! Septiembre

“Heta oĩ opensáva koʼẽrõitéma yvyporakuéra omanombataha. Oĩ heʼíva oikotaha peteĩ gérra ojeporutahápe umi vómba ikatúva ohundi ko yvy, ótro katu heʼi ochokataha peteĩ asteróide ñane planétare térã oikotaha peteĩ desástre naturál. Mbaʼépa nde repensa, ¿jajepyʼapyvaʼerãpa umi mbaʼe ojeʼévare térãpa umíva vyroreínte? [Ehaʼarõ tombohovái.] La Bíbliape, Ñandejára opromete peteĩ mbaʼe ñanembopyʼaguapýva [elee Salmo 37:29]. Ko rrevísta omyesakã umi mbaʼe ojeʼéva pe fín del múndo rehe, ha avei mbaʼépa heʼi la Biblia oikotaha yvyporakuérare tenonderã.”