¿Mávapepa ogustáne ko artíkulo?
1. Jaleévo ñande rrevistakuéra ¿mbaʼépa iporã jajapo, ha mbaʼérepa?
1 Umi rrevísta Ñemañaha ha ¡Despertad! ojejapo umi hénte oparupiguápe g̃uarã. Upévare oreko opaichagua téma, ha jaleévo iporãta ñapensáma máva mávapepa ikatu ogusta káda artíkulo ha upéi ñañehaʼã ñaikuaveʼẽ chupekuéra.
2. ¿Mbaʼe artíkulo osẽva ñande rrevístapepa ikatu ogustave umi héntepe?
2 ¿Oĩpa ñande rrevísta Ñemañaháme peteĩ téma ñañeʼẽ vaʼekuére ñane kompañéro de traváhondi? ¿Jajuhúmapa peteĩ artíkulo omeʼẽva konsého familiakuérape ha ikatútava oipytyvõ peteĩ ñane pariéntepe? Rrevísta ¡Despertad! ningo oñeʼẽ jepi heta lugár rehe, ¿jaikuaápa peteĩ ñande rapicha oviahaseha peteĩva umi lugárpe? ¿Oĩpa peteĩ rrevísta ikatúva ñaikuaveʼẽ negosiohárupi térã umi lugár oñembaʼapohápe goviérnope g̃uarã? Por ehémplo peteĩ lugár oñeñangarekohápe umi ijedávare, ikatu ñaikuaveʼẽ umi rrevísta oñeʼẽva umi mbaʼe haʼekuéra ohasávare. Ha peteĩ rrevísta oñeʼẽramo oñorairõ, omonda ha oporojukávare, ikatu ñaikuaveʼẽ umi komisaría térã trivunálpe.
3. Emombeʼu peteĩ experiénsia ohechaukáva iñimportanteha ñaikuaveʼẽ umi rrevísta orekóva peteĩ artíkulo ñapensáva oipytyvõtaha ñande rapichakuérape.
3 Umi mbaʼe ojehupytýva. ¡Despertad! de octubre 2011-pe osẽ vaʼekue peteĩ artíkulo hérava: “Cómo criar hijos responsables”. Peteĩ matrimónio Sudafricagua orresivi rire upe rrevísta ohenói 25 eskuéla oĩvape iterritóriope. Upévagui 22 eskuéla oheja oñemeʼẽ ko rrevísta umi estudiántepe. Ótro matrimónio upe tetãgua ojapo avei upéicha ha okoloka hetaiterei rrevísta umi eskuéla oĩvape iterritóriope. Umíva apytépe oĩ mboʼehára oiporúva ko rrevísta oleeka ha omboʼe hag̃ua umi alúmnope. Ko matrimónio omombeʼu superintendénte de sirkuítope umi mbaʼe ojapo vaʼekue, ha pe superintendénte omokyreʼỹ umi ótro kongregasiónpe ojapo hag̃ua avei upéicha. Amo ipahápe hetaiterei ojejerure ko rrevísta sukursálpe, upévare oñeimprimi jeýmante ohupytypa hag̃ua enterovépe.
4. ¿Mbaʼérepa hiʼã ñandéve hetaitereive hénte olee ñande rrevistakuéra?
4 Ñande rrevistakuéra omyesakã porã mbaʼérepa oiko hetaite mbaʼe vai opárupi, ha oipytyvõ umi oleévape oiporu hag̃ua la Biblia ha oikuaa hag̃ua mbaʼépa ojapóta Ñandejára Rréino. Ha koʼã rrevísta añoite “omombeʼu jajesalvataha” (Is. 52:7). Upévare, hiʼã ñandéve hetaitereive hénte olee koʼã rrevísta, ha upearã tekotevẽ ñañeporandu: “¿Mávapepa ogustáne ko artíkulo?”.