Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de julio

“Enterovénte ningo javyʼase ha jaikovese heta áño. Mbaʼépa nde ere, ¿ñanepytyvõnepa umi sientífiko ha doktorkuéra jaikove hag̃ua opa árare?” [Ehaʼarõ tombohovái.] Ehechauka chupe pe última páhina oĩva rrevísta Ñemañaha 1 de júliope, ehesaʼỹijo hendive pe primer porandu ha elee avei peteĩ térã mokõi téxto vívliko oĩva upépe. Upéi eikuaveʼẽ umi rrevísta ha ere chupe reho jeytaha rehesaʼỹijo hag̃ua hendive pe ótro porandu.

Nóta: Ko demostrasión ojejapo vaʼerã 6 de julio pe aty ojejapóvape oñesẽ hag̃ua ojepredika.

Ñemañaha 1 de julio

“Heta hénte roñeʼẽvandi heʼi oréve orekoha voi irrelihión. Péro ótro katu heʼi ndojeroviaveimaha umi rrelihiónre. ¿Mbaʼépa nde repensa upévare? [Ehaʼarõ tombohovái.] Jesús heʼi vaʼekue mbaʼépa ikatu jajapo jahechakuaa hag̃ua mávapa pe rrelihión añetegua [elee Lucas 6:44a]. Ko rrevísta omyesakã umi mbaʼe vai ojapóva rrelihionkuéra ha ombohovái ko porandu: ‘¿Oĩnepa peteĩ rrelihión ikatuha jajerovia?’.”

¡Despertad! Julio

“Roñemongeta ningo hína peteĩ provléma opavavépe oipyʼapývare. Koʼág̃arupi oiko hetaiterei inhustísia, ha heta hénte ojapo manifestasión upéva kóntrape. Mbaʼépa nde ere, ¿okambiánepa la situasión ojejapo haguére umi manifestasión? [Ehaʼarõ tombohovái.] La Biblia ohechauka porã mávapa osolusionáta upe provléma [elee Mateo 6:9, 10]. Ko rrevísta ohechauka porã umi manifestasión ojejapóva ndogueruiha solusión mbaʼevépe.”

¡Notísia porã oúva Ñandejáragui!

“Romombeʼuse ningo ndéve peteĩ notísia porã oĩva la Bíbliape. Heta oĩ oikuaaséva mbaʼérepa Ñandejára oheja jahasa asy oiméramo ñanderayhu. Ndépa mbaʼe repensa, ¿ñanemoĩpa Haʼe ko yvy ape ári jahasa asy hag̃uánte voi?” [Ehaʼarõ tombohovái.] Ehechauka chupe leksión 5, ehesaʼỹijo hendive umi dos párrafo oĩva oñepyrũvo ha umi téxto oĩva kursívape. Upéi eikuaveʼẽ pe folléto ha ere chupe reho jeytaha rehesaʼỹijo hag̃ua hendive pe segundo porandu oĩva létra hũvévape.