Jaiporu hag̃ua predikasiónpe

Mbaʼéichapa ikatu ñamoñepyrũ estúdio vívliko primer sábado de enero

“Oĩ heta hénte opensáva ndaikatuiha voi jaikuaa Ñandejárape, ótro katu heʼi ñanderayhu ha imbaʼeporãitereiha ñanendive. Ndépa mbaʼe repensa, ¿mbaʼeichagua persónapa Ñandejára?” [Ehaʼarõ tombohovái.] Ehechauka chupe pe rrevísta Ñemañaha 1 de enero, ha ehesaʼỹijo hendive pe primer porandu oĩva última páhinape, avei elee peteĩ térã mokõi téxto oĩva upépe. Upéi eikuaveʼẽ chupe umi rrevísta ha ere chupe reho jeytaha rehesaʼỹijo hag̃ua hendive pe ótro porandu.

Ñemañaha 1 de enero

“Enterovénte ningo ñambyasy oĩramo omanóva ha koʼýte ñanembohasa asy oikóramo upéva peteĩ jahayhúvare. Péro mbaʼépa nde repensa, ¿ñamanóramo piko ndaiporivéima esperánsa? [Ehaʼarõ tombohovái.] Aleesemi ndéve peteĩ téxto oĩva la Bíbliape tuicha ñanembopyʼaguapýva [elee Isaías 25:8]. Ko rrevísta omyesakã mbaʼéichapa Ñandejára oipeʼaitéta pe ñemano ha omoingove jeýta umi jahayhúva omano vaʼekuépe.”

¡Despertad! Enero

“Koʼág̃arupi umi família ombohovái heta situasión ijetuʼúva yma ndaipóri vaʼekue. ¿Mbaʼépa nde repensa ikatuha oipytyvõ umi famíliape akóinte ojoayhu ha ojogueraha porã hag̃ua? [Ehaʼarõ tombohovái.] Emañamína mbaʼépa heʼi la Biblia ikatuha ñanepytyvõ upearã [elee Proverbios 24:3]. Heta ningo oĩ ohechakuaáva la Bíbliape jatopaha heta konsého iporãva ha ideprovechoitereíva. Ko rrevísta omombeʼu hína oĩha peteĩ sítio Internétpe orekóva hetaiterei informasión túva, sy ha mitãnguérape g̃uarã. Koʼã informasión oñeguenohẽ la Bíbliagui, ha ikatu oñemboguejy gratiete.”