Ñanembaʼeporãkena ñane ermanokuérandi (Mat. 12:35a)

Enterovéva ningo ñakompartise ‘mbaʼe porã’ ñande rapichakuérandi ñainvitávo chupekuéra ñande rógape (Rom. 12:13). Upévare, umi ansiáno ojapo arréglo ikatu hag̃uáicha ojerresivi porã umi diskursánte oúvape ótro kongregasióngui, por ehémplo, ikatu oñeinvita chupekuéra okaru térã osena hag̃ua. Avei ojejapo arréglo oñemeʼẽ hag̃ua chupekuéra ipasáhe térã ikombustívle repyrã. Péro, ¿mbaʼéichapa enterove ikatu jasegi pe konsého oĩva Romanos 12:13-pe? Algúno ikatu otĩ oinvita hag̃ua ermanokuérape hógape, openságui ndorekoiha heta mbaʼe oofrese vaʼerã térã okalkulágui hóga ivaietereiha orresivi hag̃ua visíta. ¿Mbaʼépa ikatu jajapo oiméramo ñapensa upéicha? Tuicha ñanepytyvõta jasegíramo pe konsého Jesús omeʼẽ vaʼekue Mártape (Lucas 10:39-42). Haʼe ohechauka porã vaʼekue natekotevẽiha oĩ heta tembiʼu ni iporãiterei ñande róga jarresivi hag̃ua visíta; upéva rangue, iñimportanteve hína ñañomokyreʼỹ ha jahasa porã oñondive. Enterovéva ñamoĩramo en práktika ko konsého oĩva Ñandejára Ñeʼẽme, ñakompartíta heta ‘mbaʼe porã’ ñane ermanokuérandi (3 Juan 5-8).