Ñañomokyreʼỹkena jajapo hag̃ua iporãva

Hebreos 10:24 ñanemokyreʼỹ ‘jajepyʼapy hag̃ua ojuehe ñande pyʼaite guive’; heʼi avei tekotevẽha “ñañomokyreʼỹ japorohayhu ha jajapo hag̃ua iporãva”. ¿Mbaʼéichapa ikatu jajapo upéva kongregasiónpe? Ñane ehémplo ha umi mbaʼe jaʼéva rupive. Ikatu ñakomparti ñane ermanokuérandi umi experiénsia porã jarekóva. Jahechaukákena mbaʼeichaitépa javyʼa jaservívo Jehovápe. Péro ñañatende vaʼerã ani jaiko ñambojoja ñane ermanokuérape ñanderehe ni avavére (Gál. 6:4). Ñañehaʼãmbaite vaʼerã ñamokyreʼỹ ñane ermanokuérape ‘oporohayhu ha ojapo hag̃ua iporãva’, ha ani jajopyeterei hendivekuéra. (Ehecha lívro Eñembokatupyrýke, páh. 158 párr. 4.) Péicha jajapóramo, katuete ojaposéta hikuái umi mbaʼe iporãva, por ehémplo, oipytyvõséta umi oikotevẽvape ha opredikáta kyreʼỹme (2 Cor. 1:24).