¿Mbaʼéichapa ñakomenta vaʼerã rreunionhápe?

Jajeprepara porãramo ñakomenta hag̃ua, umi komentário ñameʼẽva omokyreʼỹta ermanokuérape (Ro 14:19). Ha ñande avei javyʼáta ñamombeʼu haguére peteĩ mbaʼe ñaaprendéva (Pr 15:23, 28). Upévare ñañehaʼã vaʼerã ñakomenta una ves jepe káda rreunión. Iporãta avei japreparáramo unos kuánto komentário peichahágui noñemeʼẽiramo g̃uarã ñandéve unavépe.

¿Mbaʼéichapa ikatu japrepara peteĩ komentário?

• Japrepara vaʼerã peteĩ komentário isensíllo ha mbykymínteva, ikatu voi ñameʼẽ ménos de 30 segúndope.

• Iporãvéta jajapóramo ñane ñeʼẽtépe.

• Natekotevẽi jaʼe jey peteĩ mbaʼe oñekomentáma vaʼekue.

¿Mbaʼépa ikatu jajapo otokáramo ñandéve raẽvete ñarresponde hag̃ua peteĩ pregúnta?

• Ñakomenta vaʼerã mbykymínte ha hesakuaitépe.

¿Mbaʼépa ikatu ñakomentave oñerresponde rire pe pregúnta?

• Ikatu ñakomenta mbaʼépa heʼi peteĩ téxto oĩva pe párrafope pe informasión ojestudiávare.

• Ikatu ñamombeʼu mbaʼéichapa ñanevenefisia ñandéve umi mbaʼe ñaaprendéva.

• Ikatu jaʼe mbaʼéichapa ikatu ñamoĩ en práktika umi mbaʼe ñaaprendéva.

• Ikatu ñamombeʼu mbykymínte peteĩ experiénsia ohóva pe téma oñeanalisávare.