TESÓRO OĨVA ÑANDEJÁRA ÑEʼẼME | ISAÍAS 34-37
Ezequías ohechakuaa ndojeroviareíri hague Jehováre
Pe rréi asirio Senaquerib omondo Rabsaquépe Jerusalénpe heʼi hag̃ua umi hudíope oñentregántema hag̃ua hikuái. Umi asirio heʼi heta mbaʼe omongyhyje hag̃ua umi hudíope ha oñentregántema hag̃ua hikuái oñorairõʼỹre. ¿Mbaʼépa ojapo raʼe hikuái upearã?
Heʼi umi hudíope ndaiporiha oipytyvõ vaʼerã chupekuéra, ha ojeruréramo jepe ajúda Egíptope ndaipuʼakamoʼãiha voínte hikuái (Is 36:6).
Ombodudase chupekuéra heʼívo Jehová ndosalvamoʼãiha chupekuéra pórke ipochy hína hendivekuéra (Is 36:7, 10).
Omongyhyjese chupekuéra. Heʼi umi hudíope pe ehérsito asirio ipoderosoitereiha ha ndaipuʼakamoʼãiha voínte hesekuéra (Is 36:8, 9).
Omoĩ chupekuéra tentasión. Heʼi chupekuéra oñentregáramo hikuái oiko porãvetaha (Is 36:16, 17).
Ezequías osegi ojerovia Jehováre
Haʼe oprepara opa umi mbaʼe tekotevẽva ikatu hag̃uáicha oñedefende hikuái.
Oñemboʼe Jehovápe osalvami hag̃ua chupekuéra ha ojerure avei umi hudíope ojapo hag̃ua upéva.
Haʼe ohechakuaa ndojeroviareíri hague Jehováre pórke peteĩ pyharépe Jehová ánhel ohundi 185.000 soldádo asíriope.