JAHECHAUKÁKENA JASERVIHA JEHOVÁPE | MATEO 18, 19
Aníkena ñañepysanga térã ñamoñepysanga ótrope
Umi ehémplo Jesús oipuru vaʼekue ohechauka mbaʼeichaite pevépa ivai jahejáramo álgo ñanemoñepysanga térã ñamoñepysangáramo ótrope.
Umi mbaʼe ikatúva ñanemoñepysanga apytépe oĩ oimeraẽ mbaʼe oikóva térã ojejapóva ha ñanderaháva jajapo hag̃ua peteĩ mbaʼe vai ha péicha jaju japeka Jehová renondépe.
Iporãvéta voi ñañapytĩramo ñande ajúrare peteĩ ita guasu ha jajepoi márpe, ñamoñepysanga rangue ñane ermánope.
Ita ojepurúva oñemolina hag̃ua
Jesús heʼi vaʼekue idisipulokuérape ikuentaveha oipeʼánte ipo térã hesa upéva omoñepysangátaramo chupekuéra.
Iporãvéta jaipeʼánteramo peteĩ párte ñaikotevẽvéva ñande retégui ha jaike pe Rréino yvagapeguápe, ñanerakateʼỹ rangue hese ha upéva káusare ñañehundiete Gehénape.
¿Mbaʼépa ikatu chemoñepysanga ha mbaʼéicha ajehekýita chugui? ¿Mbaʼe ikatu ajapo ani amoñepysanga ótrope?