“Ñandejára omoĩ vaʼekue oñondive...”

Pe Léi heʼi vaʼekue umi kuimbaʼe ojedivorsiaséramo hembirekógui ojapoka vaʼerãha peteĩ dokuménto. Ko léi oĩ vaʼekue ani hag̃ua la hénte pyaʼeterei ojedivorsia. Upéicharõ jepe, Jesús tiémpope umi mboʼehára leipegua káusare ifasiletereíma kuri ojedivorsia hag̃ua umi omendáva. Peteĩ kuimbaʼe ikatu vaʼekue ojedivorsia hembirekógui oimeraẽ mbaʼérentema (nwtsty nóta de estúdio Mr 10:4, 11 “dokuménto heʼíva ojedivorsiaha”, “ojedivorsiáva hembirekógui”, “omoakãratĩ chupe”). Jesús heʼi vaʼekue Jehová voi oautorisa ha omoñepyrũ hague pe matrimónio (Mr 10:2-12). Peteĩ kuimbaʼe ha peteĩ kuña omendávo mokõivégui oiko peteĩntema. La Biblia heʼi peteĩ paréha ikatuha ojedivorsia sólamente peteĩva omoakãratĩramo la ótrope, heʼiháicha Mateo 19:9-pe.

Koʼág̃arupi la hénte ndohechái pe matrimónio Jesús ohechaháicha, síno umi fariséo ohecha haguéicha, ha orekóramo hikuái oimeraẽ provléma pyaʼe voi ojedivorsiaséma. Péro umi kristiáno ndahaʼeiete upéicha, haʼekuéra omombaʼe imatrimónio ha oñehaʼãmbaite omoĩ en práktika umi konsého oĩva la Bíbliape ikatu hag̃uáicha ombohovái porã umi provléma. Ehecha rire pe vidéo Pejoayhu ha pejorrespetáramo peiko porãta oñondive, embohovái koʼã porandu:

• 

  ¿Mbaʼéichapa ikatu emoĩ en práktika ne matrimóniope Proverbios 15:1 heʼíva, ha mbaʼérepa iñimportánte upéva?

• ¿Mbaʼéichapa nepytyvõta Proverbios 19:11 heʼíva ejehekýi hag̃ua umi provlémagui?

• Oimérõ napeñontendevéi pene matrimóniope, ¿mbaʼépa iporãvéta peñeporandu pepensa rangue pe divórsiore?

• ¿Mbaʼéichapa nepytyvõta Mateo 7:12-pe heʼíva ejogueraha porã hag̃ua ne ména térã ne rembirekóndi?