TESÓRO OĨVA ÑANDEJÁRA ÑEʼẼME | LUCAS 8, 9
¿Mbaʼépa tekotevẽ jajapo ñamoirũ hag̃ua Jesúspe?
Peteĩ oaráva ndohejái vaʼerã odistrae chupe umi mbaʼe oikóva hapykuépe, péicharõmante iderécho porãta la isúrko. Upéicha avei umi kristiáno ndohejái vaʼerã odistrae chupe umi mbaʼe ohejáma vaʼekue tapykuépe ko múndope (Flp 3:13).
Jahasa jave umi provlémare, ndahasyiete jaʼe hag̃ua ymave ñaime porãve hague, oimérõ jepe upérõ ndajaikuaáiti kuri Jehovápe. Ñapensaitereíramo ymave guarére ikatu voi ñamomichĩ hína umi provléma jahasa vaʼekue ha ñambotuichaiterei umi mbaʼe porã jahupyty térã jahasa vaʼekue upe tiémpope. Upéva oiko vaʼekue umi israelítare osẽ rire Egíptogui (Nú 11:5, 6). Jajapóramo upéicha ikatu hína jaikose jey ymave guaréicha. Upévare iporãiteve jajepyʼamongeta meme umi mbaʼe porãita jahupytývare koʼág̃a ha avei umi mbaʼe porã jahupytýtavare Ñandejára Rréino ogoverna vove (2Co 4:16-18).