¿Mbaʼépa opensáta Jehová?

Jadesidi mboyve peteĩ mbaʼe michĩva térã tuicháva, iporã ñañeporandu mbaʼépa opensa Jehová. Añetehápe arakaʼeve ndajaikuaapamoʼãi mbaʼépa Jehová oreko ipyʼapýpe, péro Iñeʼẽme heʼi ñandéve entéro mbaʼe tekotevẽva jaikuaa ‘jajapo hag̃ua la iporãva’ (2Ti 3:16, 17; Ro 11:33, 34). Jesús ontende porã vaʼekue mbaʼépa Jehová rembipota ha omotenonde upéva hekovépe (Jn 4:34). Upévare, haʼe ojapo haguéicha ñande avei ñañehaʼãmbaite vaʼerã ñambovyʼa Jehovápe umi mbaʼe jadesidíva rupive (Jn 8:28, 29; Ef 5:15-17).

EHECHA PE VIDÉO JASEGI VAʼERÃ JAHECHA MBAʼÉPA HÍNA JEHOVÁ REMBIPOTA (LE 19:18), UPÉI ERRESPONDE KOʼÃ PORANDU:

• ¿Mbaʼérepa jajegia vaʼerã umi prinsípio bíblicore?

• ¿Mbaʼe prinsípio bíblicopa jareko vaʼerã enkuénta jaiporavóta jave mbaʼe músikapa ñahendúta?

• ¿Mbaʼe prinsípio bíblicopa jareko vaʼerã enkuénta jadesidíta jave mbaʼéichapa ñañemonde ha jajarregláta?

• ¿Mbaʼéicha javépa ikatu avei jajegia umi prinsípio bíblicore?

• ¿Mbaʼépa jajapo vaʼerã ñantende porãve hag̃ua jahávo Jehová rembipota?