Peipeʼaite vaʼerã pende reko tuja ha peñemonde teko pyahúgui

3:5-14

¿Tekotevẽpa rakaʼe rejapo tuicha kámbio reikuaárõ guare pe añetegua? Jehová katuete oguerohoryeterei ohechávo mbaʼeichaitépa reñehaʼã upearã (Eze 33:11). Péro siémpre resegi vaʼerã rehechauka reñemondeha pe teko pyahúgui ha eñehaʼãmbaite ani hag̃ua reʼa jey umi mbaʼe rehejáma vaʼekuépe. Ehecha hag̃ua mbaʼépepa tekotevẽ remehorave, erresponde koʼã pregúnta:

• ¿Asegípa chepyʼaro peteĩ che rapichándi ojapo haguére cherehe álgo?

• ¿Chepasiénsiapa ajapura térã chekaneʼõramo jepe?

• ¿Añehaʼãpa ensegída amboyke oúramo chéve che akãme pensamiénto tieʼỹ?

• ¿Amboyképa umi hénte ótro paisguápe térã umi ipire kolór diferéntevape?

• ¿Cheñeʼẽpohýi térã ajahéipa raʼe ramoite álgien rehe?