Ñandejára ndahesaraimoʼãi umi mbaʼe porã jajapóvagui

Enterovéva ningo ikatu jajapo heta mbaʼe porã Jehová imanduʼa porã hag̃ua ñanderehe. Peteĩ túa mborayhúpe imanduʼa umi mbaʼe ifamília ohupytývare ohóvo, ha Jehová upéicha avei. Haʼe arakaʼeve ndahesaraimoʼãi umi mbaʼe porã jajapóvagui ha avei mbaʼéichapa jahayhu héra (Mt 6:20; Heb 6:10). Añetehápe, enterovéva ñandevale diferénte mbaʼépe ha avei idiferénte la ñane situasión. Upéicharõ jepe, jajapóramo opa mbaʼe ikatúva Jehová servísiope katuete javyʼáta (Gál 6:4; Col 3:23). Ohasávo ohóvo pe tiémpo, oĩma hetaiterei ermáno ha ermána ombaʼapóva Betélpe. ¿Ikatúpa nde avei rejeofrese embaʼapo hag̃ua upépe? Ndaikatúiramo ejapo upéva, ¿ikatúpa emokyreʼỹ álgienpe oservi hag̃ua Betélpe, térã ikatúpa eapoja peteĩ ne héntepe osegi hag̃ua oservi upépe?

EHECHA PE VIDÉO ¿MBAʼÉPA REJAPO VAʼERÃ IKATU HAG̃UÁICHA RESERVI BETÉLPE?, UPÉI ERRESPONDE KOʼÃ PORANDU:

• ¿Mbaʼépa ñanemomýi vaʼerã jaservi hag̃ua Betélpe?

• ¿Mbaʼe vendisiónpa heʼi orresivi hague unos kuánto ermáno oservi rupi Betélpe?

• ¿Mbaʼe mbaʼépa umi rrekisíto reservi hag̃ua Betélpe?

• ¿Mbaʼépa rejapo vaʼerã reservi hag̃ua Betélpe?