Pesegíkena pejepyʼamongeta entéro koʼã mbaʼére

¿Mbaʼe rehepa? Filipenses 4:8-pe heʼi jasegi hag̃ua ñapensa umi mbaʼe “siertoguávare, iñimportántevare, ihústovare, ipotĩvare, umi mbaʼe ñanemomýivare japorohayhu hag̃ua, umi mbaʼe oñeñeʼẽ porãvare, entéro mbaʼe iporãvare ha entéro mbaʼe omeresévare ojeguerohory”. Upéva ndeʼiséi siémpre ñapensataha umi mbaʼe la Bíbliape oĩvare. Upéicharõ jepe, jajepyʼamongeta vaʼerã umi mbaʼe Jehová oguerohorývare ha ndahaʼéi umi mbaʼe ñanemomýitavare jadesovedese hag̃ua chupe (Sl 19:14).

Añetehápe ningo ñañehaʼãmbaite vaʼerã pono ñapensa umi mbaʼe noĩporãivare. Primeroite voi ñañehaʼã vaʼerã ñandepuʼaka ñande rete imperféktore ha avei Satanásre, haʼéva “ko múndo jára” (2Co 4:4). Ipoguýpe oĩ rupi ko múndo, la majoría umi mbaʼe osẽva télepe, rrádiope, Internétpe, diáriope, rrevístape ha lívrope ndojoguerahái Jehová rembipotándi. Upévare jaiporavo porã vaʼerã umi mbaʼe ñamoingétava ñane akãme, pórke umívare odependéta hína umi mbaʼe ñapensáva, ha kon el tiémpo ojekuaáta avei upéva umi mbaʼe jajapóvare (Snt 1:14, 15).

EHECHA PE VIDEO ÑAMBOYKE UMI MBAʼE IKATÚVA ÑANEMOMOMBYRY JEHOVÁGUI. UMI VYʼARÃ NAIPORÃIVA, UPÉI ERRESPONDE KOʼÃ PORANDU:

• 

  ¿Mbaʼépa ohecha raʼe oikóvo pe ermáno iselulárpe ha mbaʼéichapa upéva oafekta chupe?

• 

  ¿Mbaʼéichapa oipytyvõ chupe Gálatas 6:7, 8 ha Salmo 119:37 heʼíva?