Jehová ohayhu umi persóna ipotĩvape

Heta túa ha sy omboʼe ifamíliape ojepohéi hag̃ua, omopotĩ hag̃ua ikoty, oitypei ha omombo hag̃ua yty pórke oipota ipotĩ hikuái. Jehová voi ningo ñanemboʼe ñanepotĩ hag̃ua pórke haʼe ipotĩeterei (Éx 30:18-20; Dt 23:14; 2Co 7:1). Siémpre jajahu ha ñamopotĩramo entéro mbaʼe jarekóva, ñamombaʼeguasu hína Jehovápe (1Pe 1:14-16). ¿Mbaʼetekópa oĩ hína ñande róga ha ñande korapy? ¿Ipotĩpa? Heta persóna ningo mbaʼeveʼỹrõguáicha omombo umi yty kállere ha plásape, péro ñande kristianokuéra ñañehaʼã ani hag̃ua ñamongyʼa ñane planéta (Sl 115:16; Apc 11:18). Ñande ningo ñañatende ani hag̃ua oimehápente ñamombo karamélo pirekue, chíkle térã gaseósa ryrukue pórke ñamombaʼeterei pe limpiésa. Ñande ningo entéro mbaʼe jajapóvape jahechaukase ‘jaserviha Ñandejárape’ (2Co 6:3, 4).

EHECHA PE VIDÉO ÑANDEJÁRA OHAYHU UMI PERSÓNA IPOTĨVAPE, UPÉI ERRESPONDE KOʼÃ PORANDU:

• ¿Mbaʼérepa algúna persóna heʼi nomopotĩriha umi mbaʼe orekóva?

• ¿Mbaʼéichapa Moisés léi ñanepytyvõ jaikuaa hag̃ua mbaʼépa Jehová opensa pe limpiésare?

• ¿Mbaʼéichapa ikatu hína ñamombaʼeguasu Jehovápe jaʼeʼỹre mbaʼevete?