¿Mbaʼépa ñaaprende umi purahéigui?

¿Mávapa la ndegustavéva umi purahéi osẽvagui JW Broadcástingpe? ¿Mbaʼérepa? ¿Ndépa ere umi vidéope ojekuaaha umi mbaʼe jahasáva káda día? Umi purahéi oñeʼẽ diferénte témare ha oreko diferénte estílo, upévare katuete oĩta la ndegustáva. Péro umi purahéi ha vidéo ndojejapói ñanentretene hag̃uánte.

Umi purahéi rupive ñaaprende heta mbaʼe ideprovéchova ñandéve ñande rekovépe ha predikasiónpe. Oĩ purahéi oñeʼẽva umi amígore, ohechaukáva japororresivi porã vaʼerãha, jaiko vaʼerãha unído, ñandepyʼaguasu, japorohayhu ha jajerovia vaʼerãha. Ótro katu ñanemokyreʼỹ ñañemoag̃ui jey hag̃ua Jehováre, ñaporoperdona, ñandefiél hag̃ua káda día ha ñañehaʼã hag̃ua jajapove Jehová servísiope. Oĩ avei peteĩ purahéi ñanemboʼéva jaipuru porã hag̃ua ñande selulár. ¿Mbaʼépa reaprende rehendúvo umi purahéi?

EHECHA PE VIDÉO MUSIKÁL PE PARAÍSO OĨMA APETE, UPÉI ERRESPONDE KOʼÃ PORANDU:

• ¿Mbaʼe promésarepa opensa hína pe matrimónio ijedáva? (Gé 12:3).

• ¿Mbaʼépa ikatu jajapo jajeroviave hag̃ua Jehová okumplitaha ipromesakuéra?

• ¿Mávapepa jahecha jeýta koʼẽrõite?

• ¿Mbaʼéichapa umi promésa oñeʼẽva pe Rréinore ñanepytyvõ ñaaguanta hag̃ua umi pruéva jahasáva koʼág̃a? (Ro 8:25).