JAIKO KRISTIÁNO TEÉICHA
Ñañatende ani ñamombeʼu umi mbaʼe ndasiértoiva
Koʼág̃arupi umi notísia pyaʼeterei og̃uahẽ hetaiterei héntepe tahaʼe oñeimprimíva, rrádio, téle térã Internet rupive. Jehovágui ningo “ou pe añetegua” ha ñande jaadora rupi chupe ndajaikoséi ñamosarambi umi mbaʼe ndasiértoiva, tahaʼe jepe raʼe ndajajapóiva a propósito (Sl 31:5; Éx 23:1). Umi mbaʼe ñamombeʼúva ótrope ikatu tuichaiterei oporoperhudika. Rejasegura hag̃ua oimépa siérto peteĩ mbaʼe, eñeporandumi:
“¿Moõgui anohẽ pe informasión?”. Pe omombeʼúva pe informasión ikatu hína ndoikuaapái la oikóva. Umi istória oñemombeʼúva ohóvo, upéi okambiáma avei ohóvo. Upévare eñatende vaʼerã oimérõ ndereikuaaporãi moõpa oñepyrũ pe istória. Enterove ikatu vaʼerã ojerovia umi ermáno orekóvare priviléhio kongregasiónpe, upévare haʼekuéra koʼytevéntema oñatende vaʼerã ani oiko omombeʼu peteĩ mbaʼe ndojekuaáiva siertoguápa.
“¿Oheja vaítapa álguienpe ko informasión?”. Oimérõ oñeñeʼẽ vai peteĩ térã hetave persónare, iporãvénte nañamombeʼúi ótrope la ñahendúva (Pr 18:8; Flp 4:8).
“¿Ikatúpa ajerovia la oñemombeʼúvare?”. Eñatende vaʼerã oñemombeʼu jave umi istória térã experiénsia ijexaherádova.
EHECHA PE VIDÉO ¿MBAʼÉPA AJAPÓTA AHENDÚRAMO PETEĨ CHÍSME?, UPÉI ERRESPONDE KOʼÃ PORANDU:
Heʼiháicha Proverbios 12:18, ¿mbaʼeichaite pevépa ikatu oporoperhudika la jaʼéva?
¿Mbaʼéichapa ñanepytyvõ Filipenses 2:4 ñapensa porã hag̃ua la jaʼétavare ótrore?
¿Mbaʼépa jajapo vaʼerã oĩramo oñepyrũva oñembohory térã oñeʼẽ vai ótrore?
Ñañepyrũ mboyve ñañeʼẽ ótrore, ¿mbaʼépa iporã ñañeporandu?