JAIKO KRISTIÁNO TEÉICHA
Mbaʼépa ñanemboʼe Samuel ohasa vaʼekue
Samuel iñeʼẽrendu Jehovápe oikove aja pukukue. Imitãʼietérõ guare odesidíma ndojapomoʼãiha umi mbaʼe vaiete ojapóva Elí raʼykuéra hérava Hofní ha Finehás (1Sa 2:22-26). Samuel okakuaave ohóvo kuri ha Jehová siémpre oĩ hendive (1Sa 3:19). Ha itujávo ohóvo osegi iñeʼẽrendu Jehovápe, itaʼyrakuéra hembiapo vaíramo jepe (1Sa 8:1-5).
¿Mbaʼépa ikatu ñaaprende Samuélgui? Oimérõ nde peteĩ mitãrusu térã mitãkuña, nderedudái vaʼerã Jehová ontendeha la reñandúva ha oikuaaha umi provléma rehasáva. Jehová nepytyvõta ndepyʼaguasu hag̃ua (Is 41:10, 13). Ha oimérõ nde peteĩ sy térã túa ha peteĩ ne família oheja raʼe Jehovápe, Samuel ehémplo nekonsoláta. Haʼe ndaikatúi kuri oovliga itaʼyrakuérape oservi hag̃ua Jehovápe. Upévare oheja upe situasión Jehová pópe ha osegi ifiél chupe ha péicha ombovyʼa Ñandejárape. Ani nderesarái ne ehémplo porã ikatuha omomýi ne famíliape ou jey hag̃ua Jehovápe.
EHECHA PE VIDÉO ÑAAPRENDE CHUGUIKUÉRA—SAMUEL, HA UPÉI ERRESPONDE KOʼÃ PORANDU:
¿Mbaʼéichapa Samuel ohechauka vaʼekue ipyʼaguasuha imitãrõ guare?
¿Mbaʼéichapa Dani ohechauka ipyʼaguasuha?
¿Mbaʼéichapa Samuel omoĩ ehémplo porã ijedavérõ guare?
Jehová oapoja umi osegívape ojapo iporãva
¿Mbaʼéichapa Dani tuakuéra omoĩ ehémplo porã?