Mbaʼéichapa jaipuru vaʼerã pe párte hérava: “Ñañemongeta hag̃ua la héntendi”

Umi presentasión oĩva japredika hag̃ua ha jajapo hag̃ua rrevisíta iporãiterei, ha heta ermánope ideprovécho iterritóriope. Péro ñanemanduʼa vaʼerã káda lugárpe idiferenteha la situasión. Upévare japredika jave ikatu jaipuru ótra pregúnta, ótro téxto ha ikatu voi ñañeʼẽ ótro témare asegún la ointeresavétava umi persóna ñande territoriopeguápe. Péro oĩ jave peteĩ kampáña espesiál ñañehaʼã vaʼerã jasegi heʼihaichaite umi instruksión. Ñande ningo ñakumpli porãse pe traváho Jesús oheja vaʼekue ñamombeʼúvo umi notísia porã oñeʼẽva Ñandejára Rréinore (Mt 24:14).

Jareko jave peteĩ asignasión pe rreunión éntre semanaguápe jaipuru vaʼerã pe téma oĩva pe presentasiónpe jatopáva ñane prográmape. Pe téma noñekambiái vaʼerã, péro ikatu ñakambia pe téxto, pe primer porandu, pe ñakontestátava ótra vuéltape térã ojejapo lája pe demostrasión, opyta porãveháicha ñande territóriope. Jareko vaʼerã enkuénta sapyʼánte oĩtaha algúna instruksión heʼíva ojejapo vaʼerãha oĩhaichaite pe presentasiónpe, upe kásope ojesegi vaʼerã peichaite. Ko informasión haʼe hína peteĩ kámbio ojejapóva pe instruksión osẽ vaʼekuépe pe Prográma de junio de 2020, páhina 8-pe.