TESÓRO OĨVA ÑANDEJÁRA ÑEʼẼME

Eiporavo porãkena mávarepa remendáta

Salomón naiñarandúi kuri odesidírõ guare omenda umi kuña oadorávare umi dios guaʼúpe (1Re 11:1, 2; w18.07 18 párr. 7).

Mbeguekatúpe Salomón rembirekokuéra ogueraha vai chupe, ha haʼe ou oñemomombyry Jehovágui (1Re 11:3-6; w19.01 15 párr. 6).

Jehová ipochyeterei Salomón ndive (1Re 11:9, 10; w18.07 19 párr. 9).

Taʼanga: Peteĩ ermána ojapo ijestúdio personál ha opensa peteĩ ermáno soltérore. 1. Pe ermáno okomenta rreunionhápe. 2. Opredika karríto reheve. 3. Ojapo mantenimiénto Salón del Réinope.

La Biblia heʼi umi kristiánope omenda hag̃ua sólamente peteĩ haʼémavare “ñande Ruvicha disípulo” (1Co 7:39). Péro peteĩ persóna ojevautisa haguérente ndeʼiséi haʼetamaha peteĩ ména térã tembireko nemoirũ porãtava. Epensa vaʼerã koʼã mbaʼére: “¿Chepytyvõtapa pe persóna asegi hag̃ua aservi Jehovápe che pyʼaite guive? ¿Ohechaukámapa peteĩ tiémpore ohayhuha Jehovápe ikorasõ mbytete guive?”. Ani ejapura emenda hag̃ua hese, upéva rangue eñehaʼãkena eikuaa porã raẽ mbaʼeichaguápa legálmente pe persóna.