JAIKO KRISTIÁNO TEÉICHA
Jehová oipytyvõ umi oñeñandúvape yvýre
Normál la ndajavyʼái jepi sapyʼánte. Upéva ndeʼiséi ndajajeroviaiha Jehováre. Haʼe jepe oñeñandu vai jepi sapyʼánte (Gé 6:5, 6). ¿Péro mbaʼépa ikatu jajapo ñandeahoʼipáramo la vyʼaʼỹ térã tódo el tiémpo voi ñañeñandúramo péicha?
Jajerure Jehovápe tañanepytyvõ. Jehovápe g̃uarã iñimportanteterei umi mbaʼe ñapensáva ha ñañandúva, ha ontende porã umíva. Haʼe oikuaa porãiterei javyʼa térã ndajavyʼáiramo (Sl 7:9b). Ha iñimportanteveha, Jehová ikatu ñanepytyvõ ndajavyʼáiramo hína térã ñañedeprimíramo, pórke haʼe ojepyʼapyeterei ñanderehe (Sl 34:18).
Ñañatendékena umi mbaʼe ñapensávare. Ñañedesanima jave og̃uahẽ jepi ñandéve peteĩ vyʼaʼỹ ndaigústoiva ha ikatu voi jaju ñañemomombyry Jehovágui. Upévare tekotevẽterei ñañatende ñane korasõre, térã umi mbaʼe ñapensáva ha ñañandúvare (Pr 4:23).
EHECHA PE VIDÉO MBAʼÉICHAPA ERMANOKUÉRA IPYʼAGUAPY OÑEDEPRIMÍRAMO JEPE, HA UPÉI ERRESPONDE KOʼÃ PORANDU:
¿Mbaʼe mbaʼépa ojapo raʼe Nikki ombohovái hag̃ua pe depresión?
¿Mbaʼéichapa ohechakuaa raʼe Nikki okonsulta vaʼerãha doktórndi? (Mt 9:12).
¿Mbaʼéichapa ohechauka Nikki ojeroviaha Jehováre?