¿Mbaʼérepa Ñandejára norrespondéi entéro ñemboʼe?

Ñande Ru yvagapegua ñanerenduseterei voi, ha haʼe ovyʼa ohendu jave ñande ñañemboʼeha chupe ñande pyʼaite guive. Péro Ñandejára norrespondéi avei entéro ñemboʼe ojejapóva guive chupe, pórke oĩ unas kuánta kósa jareko vaʼerã enkuénta ñañemboʼe jave. ¿Mbaʼépa hína umíva? Jahechamína mbaʼépa heʼi la Biblia.

Unas kuánta persóna oĩva tupaópe olee hína oñondivepa peteĩ ñemboʼe

“Peñemboʼe jave ani perrepeti jey jey peteĩ mbaʼénte” (Mateo 6:7).

Ñañemboʼe jave Ñandejárape haʼe ndoipotái jarrepeti jey jeýnte chupe umi mbaʼe jaikuaáva de memória térã jaleéva peteĩ lívrope. Upéva rangue haʼe oipota ñañeʼẽ chupe ñande pyʼaite guive. Por ehémplo, ¿mbaʼéichapa nde eñeñandúta peteĩ ne amígo tódo los día heʼíramo ndéve la mísma kósa? Ajépa ndaigustomoʼãi ndéve. Umi oñoamígova ningo ikatu oñeʼẽ oñondive oimeraẽ témare. Upéicharõ, ñañemboʼéramo Ñandejárape ku ñañemongétarõguáicha hendive, jahechaukáta chupe jaikoseha iñamígoramo.

Peteĩ kuimbaʼe omaña yvate gotyo ha omarka hína ikartón de lotería

“Peẽ pejerure jave noñemeʼẽi peẽme, pórke peẽ pejerure hína pejapo hag̃ua ivaíva” (Santiago 4:3).

Nañahaʼarõi vaʼerã voi Ñandejára orresponde ñane ñemboʼe oimérõ jajapose hína peteĩ mbaʼe ndogustáiva chupe, térã jajerurérõ chupe peteĩ mbaʼe haʼe ndoipotáiva ñande jareko. Por ehémplo, peteĩ persóna ohugáramo ogana hag̃ua pláta ha oñemboʼéramo Ñandejárape oreko hag̃ua suérte, ¿ndépa ere Ñandejára orrespondetaha upe ñemboʼe? Ñandejára ningo heʼi porã ñandéve ndovaleiha ñandetaryrýi ha ndovaleiha avei jarovia umi mbaʼe ndahaʼéiva siérto, por ehémplo pe vuéna suérte (Isaías 65:11; Lucas 12:15). Jaikuaa porã ningo Ñandejára norrespondemoʼãiha peichagua ñemboʼe. Upéicharõ, Ñandejára orresponde hag̃ua ñane ñamboʼe, jajasegura raẽ vaʼerã umi mbaʼe jajeruréva chupe ojoguerahaha hína umi mbaʼe heʼívandi la Bíbliape.

Peteĩ kapellán oñemboʼe hína unos kuánto soldádore

“Pe nohenduséiva pe léi heʼíva, pe iñemboʼe jepe oporombojeguaru” (Proverbios 28:9).

Ymave Ñandejára norrespondéi vaʼekue iñemboʼe umi persóna naiñeʼẽrendúivape chupe (Isaías 1:15). Ha ohasávo la tiémpo Ñandejára nokambiái la opensa lája (Malaquías 3:6). Upéicharõ, jaipotáramo Ñandejára orresponde ñane ñemboʼe, ñaneñeʼẽrendu vaʼerã chupe. Péro ¿mbaʼépa jajapóta oimérõ ymave jajapo raʼe ivaíva? ¿Heʼisépa upéva Ñandejára núnka nohendumoʼãiha ñane ñemboʼe? Ndahaʼéi avei la upeichaite. Ñandejára ningo mborayhúpe ñaneperdonáta ñañarrepentíramo ñande pyʼaite guive ha ñañehaʼãmbaite jajapo la chupe ogustáva (Hechos 3:19).

“Pe persóna oñemoag̃uíva hese oguerovia vaʼerã haʼe oexistiha ha omyengovia porãha umi oñehaʼãvape ipyʼaite guive oadora chupe” (Hebreos 11:6).

Jahecháma haguéicha, pe ñemboʼe ndahaʼéi peteĩ mbaʼe jajapóva ñañeñandu porãve hag̃uánte jajepyʼapyeterei jave, síno ñañemboʼe jave jahechauka hína Ñandejárape jahayhuetereiha chupe ha avei jajeroviaha hese. Disípulo Santiago heʼi voi jajerovia vaʼerãha jajerure jave peteĩ mbaʼe Ñandejárape, pórke ndahaʼéiramo upéicha ndajarresivimoʼãi mbaʼeve Jehovágui (Santiago 1:6, 7). Jajerovia hag̃ua Ñandejárare ha jaikuaa porã hag̃ua chupe, ñañemotiémpomante vaʼerã ha jastudia la Biblia. Upéva ñanepytyvõta jaikuaa hag̃ua ivolunta ha avei jajerovia hag̃ua haʼe ohenduha ñane ñemboʼe.