Ñande futúro odepende la jadesidívare

Ojapo 3.500 áñorupi, Ñandejára heʼi hague umi oadorávape chupe mbaʼépa ojapo vaʼerã oasegura hag̃ua ifutúro. Haʼe heʼi vaʼekue: ‘Amoĩ pene renondépe pe jeikove ha ñemano, pe vendisión ha maldisión. Ha peiporavo vaʼerã pe jeikove ikatu hag̃uáicha peikove peẽ ha umi pene familiare’ (Deuteronomio 30:19).

Upérõ guare tekotevẽ kuri haʼekuéra odesidi porã ikatu hag̃uáicha oasegura ifutúro. Ha koʼág̃a ñande jadesidikuaa vaʼerã avei, ha la Biblia ñanepytyvõ upearã. Heʼi ñandéve: ‘Pehayhu Jehová pende Járape, ha pehendu iñeʼẽ’ (Deuteronomio 30:20).

¿MBAʼÉICHAPA IKATU JAHAYHU JEHOVÁPE, HA ÑAHENDU IÑEʼẼ?

JASTUDIA LA BIBLIA: Ikatu hag̃uáicha rehayhu Jehovápe reikuaa raẽmante vaʼerã chupe, ha la Biblia nepytyvõta upearã. Restudiávo rehóvo la Biblia rehechakuaáta Ñandejára nderayhuha, oñeinteresaha nderehe ha oipotaha remombeʼu chupe la reñandúva, ‘pórke haʼe ojepyʼapy nderehe’ (1 Pedro 5:7). La Biblia opromete reñehaʼãramo reñemoag̃ui Ñandejárare, ‘haʼe oñemoag̃uitaha nderehe’ (Santiago 4:8).

EJAPO LA REAPRENDÉVA: Ikatu hag̃uáicha rehendu Ñandejára ñeʼẽ resegi vaʼerã umi konsého haʼe omeʼẽva la Biblia rupive. “Péicha resẽ porãta umi mbaʼe rejapóvape ha nearandúta” (Josué 1:8).