VIVLIOTÉKA OĨVA INTERNÉTPE Watchtower
Watchtower
VIVLIOTÉKA OĨVA INTERNÉTPE
guarani
ã
  • ã
  • ẽ
  • ĩ
  • õ
  • ũ
  • ỹ
  • g̃
  • ʼ
  • ñ
  • BIBLIA
  • PUVLIKASIONKUÉRA
  • RREUNIONKUÉRA
  • wp23 núm. 1 páh. 14-15
  • Ñaipytyvõkena umi orekóvape provléma emosionál

Ko párte ndorekói gueteri ni peteĩ vidéo.

Rombyasyeténgo, péro ndaikatúi ojehechauka ko vidéo.

  • Ñaipytyvõkena umi orekóvape provléma emosionál
  • Ñemañaha. Oanunsia Jehová goviérno púvlika 2023
  • Subtítulo
  • Informasión oñeʼẽva avei ko témare
  • ¿Mbaʼépa heʼise upéva?
  • ¿Mbaʼéichapa pe téxto ñanepytyvõ?
  • Jajeofresékena ñaipytyvõ hag̃ua chupe
  • Ñandejára ñaneinvita jaiko hag̃ua iñamígo ramo
    Ikatu oiko ñandehegui Ñandejára amigo
  • ¿Mbaʼére che amígo ojapo cherehe péicha?
    Mitãrusukuéra oñeporandúva jepi. Konsého peẽme g̃uarã, volúmen 2
  • Ikatu oiko ndehegui Jehová amígo
    ¡Jaikóta vyʼápe pára siémpre! Jastudia hag̃ua la Biblia oñondive
  • ¿Mbaʼépa nde repensa?
    Ñemañaha. Oanunsia Jehová goviérno púvlika 2018
Ñemañaha. Oanunsia Jehová goviérno púvlika 2023
wp23 núm. 1 páh. 14-15
Peteĩ karai ohendu porãnte hembireko oñeñandu vaívape.

Ñaipytyvõkena umi orekóvape provléma emosionál

LA BIBLIA HEʼI: “Peteĩ amígo verdadéro nderayhúta tódo el tiémpo, haʼe ningo ne ermáno oĩva nde ykére rehasa asy jave” (PROVERBIOS 17:17).

¿Mbaʼépa heʼise upéva?

Peteĩ ñane amígo orekóramo depresión, ansieda térã ótro provléma emosionál, oiméne ndajaikuaái mbaʼéichapa ikatu ñaipytyvõ chupe. Péro añetehápe ikatu jajapo heta mbaʼe jahechauka hag̃ua ñane amígope jajepyʼapyha hese. Jahechamína mbaʼéichapa.

¿Mbaʼéichapa pe téxto ñanepytyvõ?

“Enterovéva oĩ vaʼerã preparádo ohendu hag̃ua” (SANTIAGO 1:19).

Oiméramo ñaipytyvõse ñane amígope, lo mehór ikatúva jajapo haʼe ñahendu chupe oñeʼẽse jave. Ani ñapensa tekotevẽha ñarresponde káda kósa heʼíva, síno oñemeʼẽ vaʼerã enkuénta ñahenduha chupe ha jajepyʼapyha hese. Ñañehaʼã vaʼerã ñañemoĩ ilugárpe, ñantende mbaʼéichapa oñeñandu ha ani jahusga chupe. Ñanemanduʼákena ikatuha heʼi algúna kósa hendapeʼỹ ha upe rire ombyasýtava.

“Peñeʼẽkena pekonsola hag̃uáicha umi oñedeprimívape” (1 TESALONICENSES 5:14).

Ikatu hína pe ñane amígo ojepyʼapy ha opensa naiñimportanteguasuiha. Jaasegura vaʼerã chupe jajepyʼapyha hese, ha jaʼe umi mbaʼe omokyreʼỹ ha okonsolátava chupe. Ani jajepyʼapyeterei ndajaikuaáirõ g̃uarã mbaʼépa jaʼéta, ani jaheja upéva ñandejoko.

“Peteĩ amígo verdadéro nderayhúta tódo el tiémpo” (PROVERBIOS 17:17).

Ñapensánte rangue ñande jaikuaaha voi la oikotevẽva ñane amígo, iporãvéta ñaporandúramo mbaʼéichapa ikatu ñaipytyvõ chupe. Oiméramo ijetuʼu ñane amígope heʼi hag̃ua mbaʼépa la oikotevẽva, ikatu jaʼe chupe jajapo hag̃ua álgo oñondive. Por ehémplo ñasẽ jaguata, jaha ñambaʼejogua, ñamopotĩ térã ñaipytyvõ chupe ótra kósa oikotevẽvape (Gálatas 6:2).

“Penepasiénsiakena” (1 TESALONICENSES 5:14).

Ikatu hína sapyʼánte ñane amígo térã amíga noñeʼẽséi, upéicha jave jaʼénte vaʼerã oñeʼẽse vove ñahendutaha chupe. Tekotevẽ ñanepasiénsia ha ñañemoĩ ilugárpe. Aníkena ñandepochy heʼíramo álgo heʼiʼỹ vaʼerã, osuspendérõ ñandehegui algún plan térã sapyʼánte ipire vai léntorõ, umíva ningo pe mbaʼasy káusarente (Proverbios 18:24).

Jajeofresékena ñaipytyvõ hag̃ua chupe

“Che aipota che amíga oikuaa che aimeha ijykére oikotevẽ jave. Heta vése ndaikuaái mbaʼéichapa ikatu oñesolusiona iprovléma, péro ahendu chupe, ha sapyʼánte upévante voi la oikotevẽva, álgien ohendumi vaʼerã chupe” (Fany,a iñamíga oreko transtórno alimentísio, ansieda ha depresión).

Peteĩ kuñataĩ oipichy ipo peteĩ kuñakarai ijedávape okonsola hag̃ua chupe.

“Peteĩva che amíga ikalidaiterei ha siémpre ipositíva. Peteĩ vuéltape cheinvita hógape roʼu hag̃ua álgo. Añeñandu porãiterei hendive, pórke iñamávle ha ivuenaiterei. Upévare ndaijetuʼúi chéve amombeʼu hag̃ua chupe mbaʼéichapa añeñandu. Ahasa rire tiémpo hendive chekyreʼỹ apytávo” (Hayelén, orekóva depresión).

“Iñimportanteterei ñanepasiénsia. Che rembireko ojapo jave álgo chemolestáva, chemanduʼánte ojapoha upéva pe mbaʼasy káusarente. Upéva chepytyvõ ani hag̃ua chepochy hese ha chembaʼerechakuaave hag̃ua hendive” (Jacob, hembireko orekóva depresión).

“Che rembireko tuichaiterei chepytyvõ ha chekonsola, ndaikuaái voi ni mbaʼéichapa amombeʼupáta peẽme. Ajepyʼapyeterei jave ha ndaikatúi akontrola pe añandúva, haʼe ndacheovligái ajapo hag̃ua umi mbaʼe ndajaposéiva. Upéva heʼise sapyʼánte haʼe ndojapoiha anga avei peteĩ mbaʼe ojapose vaʼekue. Ndaikuaái mbaʼépa ajapo vaʼerãmoʼã heseʼỹ, haʼe imbaʼeporãiterei ha siémpre ojesakrifika cherehehápe. ¡Haʼe ningo che resaʼỹi!” (Enrique, orekóva ansieda).

a Oñekambia unos kuánto téra.

¿Eikuaasevépa ko témagui?

Elee jw.org-pe pe informasión hérava “Cuando un ser querido está enfermo” osẽ vaʼekue ¡Despertad! de octubre de 2015-pe.

    Guaranimegua puvlikasionkuéra (2000-2026)
    Emboty sesión
    Emoñepyrũ sesión
    • guarani
    • Ekomparti
    • Configuración
    • Copyright © 2025 Watch Tower Bible and Tract Society of Pennsylvania
    • Ojejeruréva reipuru hag̃ua
    • Política de privacidad
    • Privacidad
    • JW.ORG
    • Emoñepyrũ sesión
    Ekomparti