¿Ndépa rejerovia?

Jehová ñandeguerohory hag̃ua tekotevẽ jajerovia. Péro la Biblia heʼi ‘naentéroi ojeroviaha hína’ (2 Tes. 3:2). Upérõ apóstol Pablo oñeʼẽ vaʼekue umi opersegívare chupe, haʼéva ‘kuimbaʼe aña ikatúva oporoperhudika’. Imanduʼávo hesekuéra Pablo heʼi vaʼekue ‘naentéroi ojeroviaha’, péro upéva ikatu avei hína ojeʼe hetave persónare. Por ehémplo oĩ heta hénte ndogueroviáiva Ñandejára oexistiha, oĩramo jepe umi pruéva ohechaukáva haʼe okrea hague entéro mbaʼe (Rom. 1:20). Ótro katu heʼi ojeroviaha álgien ipoderósovare, péro Jehová ñandeguerohory hag̃ua ndahaʼéi upéichante la jajerovia vaʼerã. ¿Mbaʼépa upéicharõ jajapo vaʼerã?

Tekotevẽ ningo ñaime segúro Jehová “oexistiha ha omyengovia porãha” umi ojeroviávape hese ipyʼaite guive (Heb. 11:6). Jajerovia hag̃ua Jehová oipotaháicha, ñaikotevẽ ijespíritu sántore. Ha haʼe omeʼẽ hag̃ua ñandéve ijespíritu, jajerure vaʼerã chupe upéva ñañemboʼe jave (Luc. 11:​9, 10, 13). Avei ikatu jarresivi pe espíritu sánto jalee jave Ñandejára Ñeʼẽ, pórke upéva ojeskrivi vaʼekue voi espíritu sánto rupive. Upéi jajepyʼamongeta vaʼerã la jaleévare ha ñañehaʼã jajapo umi mbaʼe ñaaprendéva. Jajapóramo koʼã mbaʼe, pe espíritu sánto ñanepytyvõta jajerovia hag̃ua ñande pyʼaite guive ikatu hag̃uáicha Jehová ñandeguerohory.