Mbaʼéichapa opaitéta umi gérra

ÑANDEJÁRA OHUNDÍTA UMI GOVIÉRNOPE

Ñandejára ohundietéta umi goviérno umánope peteĩ gérra rupive, la Biblia ohenóiva Armagedón (Apocalipsis 16:16).a Upérõ “entéro umi rréi ko yvy arigua” oñembyatýta “pe gerrarã oikótava Ñandejára Todopoderóso ára guasúpe” (Apocalipsis 16:14). Pe gérra de Armagedón rire, ndaiporimoʼãvéima mbaʼeveichagua gérra, péva haʼéta pe última gérra oikóva.

Ñandejára omoĩta entéro umi goviérno umáno rekovia Irréino térã igoviérno. Upéva ogovernáta yvága guive ha arakaʼeve noñehundimoʼãi (Daniel 2:44). Ñandejára oiporavóma Itaʼýra Jesucrístope haʼe hag̃ua Rréi upe Rréinope (Isaías 9:​6, 7; Mateo 28:18). Jesús omboʼe vaʼekue idisipulokuérape ojerure hag̃ua upe Rréinoreb iñemboʼépe (Mateo 6:​9, 10). Enterovéva ko yvy ape ári ñaiméta peteĩ goviérno poguýpente, ogovernatahápe Jesús.

Jesús ndoipurumoʼãi ijautorida ojapo hag̃ua chupe okonvenívante, ojapoháicha jepi umi governánte umáno. Haʼe ningo ihústo ha otrata enterovévape peteĩchapa, upévare haʼe ogoverna vove nomboykemoʼãi avavépe ipire kolór diferénte haguére, ou rupi ótro paísgui térã idiferénte rupi ikultúra (Isaías 11:​3, 4). Umi hénte natekotevẽmoʼãvéima oñorairõ odefende hag̃ua iderécho. ¿Mbaʼérepa? Pórke Jesús oñeinteresáta káda únore. La Biblia ningo heʼi voi: “Umi imboriahúva ningo ojerure asy ajúda, ha haʼe katuete osalváta chupekuéra. Avei oipytyvõta umi iñumíldevape ha umi ndorekóivape avave odefende vaʼerã chupekuéra. [...] Heta hénte osufri umi governánte iñañáva poguýpe, péro pe rréi osalváta chupekuéra” (Salmo 72:​12-14).

Ñandejára Rréino ohundietéta entéro umi árma oĩva ko yvy ape ári (Miqueas 4:3). Avei ohundíta umi hénte iñañáva oñorairõsévapente voi ha ndohejáiva avavépe oiko pyʼaguapýpe (Salmo 37:​9, 10). Enterovetéva, kuña, kuimbaʼe ha mitã, oikóta segúro porã ha trankílo oimehápe ko yvy ape ári (Ezequiel 34:28).

Ñandejára ogoverna vove ko yvy enterovénte jaiko porãitereíta. Koʼág̃arupi heta hénte ndorekói peteĩ lugár oiko hag̃ua, imboriahu ha iñembyahýi, entéro koʼã mbaʼe omoñepyrũ jepi umi gérra. Péro Ñandejára Rréino poguýpe opaitétama koʼãichagua provléma. Avei enterovéva orekóta heta tembiʼu isánova hoʼu vaʼerã ha oikóta peteĩ lugár iporãitereívape (Salmo 72:16; Isaías 65:​21-23).

Ñandejára Rréino omyatyrõta avei entéro umi mbaʼe vai ohejáva umi gérra, umíva apytépe umi provléma emosionál ha mentál umi hénte osufríva pe gérra káusare. Umi omano vaʼekue jepe oikove jeýta ko yvy ape ári (Isaías 25:8; 26:19; 35:​5, 6). Umi família oĩmba jeýta oñondive ha naimanduʼamoʼãvéima umi mbaʼe vai ohasa vaʼekue pe gérra káusare, pórke ‘umi mbaʼe oiko vaʼekue yma opátama’ (Apocalipsis 21:4).

ÑANDEJÁRA OHUNDÍTA PE PEKÁDO

Ñandejára Rréino ogoverna vove ko yvy, enterovéva omombaʼeguasúta pe úniko Dios verdadéro Jehovápe.c Haʼe hína “Ñandejára oporohayhúva ha omeʼẽva pyʼaguapy” (2 Corintios 13:11). Umi hénte oaprendéta mbaʼéichapa ikatu oiko pyʼaguapýpe oñondivepa (Isaías 2:​3, 4; 11:9). Enterove umi iñeʼẽrendúva Ñandejárape ndosufrimoʼãvéima pe pekádo káusare (Romanos 8:​20, 21).

ÑANDEJÁRA OHUNDÍTA SATANÁS HA UMI DEMÓNIOPE

Ñandejára Rréino ohundíta umi omboligávape oiko hag̃ua umi gérra, umíva hína Satanás ha umi demónio (Apocalipsis 20:​1-3, 10). Oñehundi vove hikuái “oĩta pyʼaguapy opa ára g̃uarã” (Salmo 72:7).

Ikatu rejerovia Ñandejára promésa oñekumplitaha. Haʼe ohundietéta umi gérra ha pe violénsia. Haʼe oreko pe deséo ha pe podér ojapo hag̃ua upéva.

• Ñandejára iñarandueterei ha oreko pe podér ohundiete hag̃ua umi gérra ha pe violénsia (Job 9:4). Ndaipóri mbaʼeve Ñandejára ikatuʼỹ vaʼerã ojapo (Job 42:2).

• Ñandejára ndohechaseiete voi umi hénte osufrírõ (Isaías 63:9). Ha avei “ndochaʼeiete voi umi hénte ohayhúvare pe violénsia” (Salmo 11:5).

• Ñandejára siémpre okumpli la oprometéva. Haʼe ndaikatúi ijapu (Isaías 55:​10, 11; Tito 1:2).