Estudiákena emombeʼu hag̃ua ótrope la reaprendéva

Ajépa ñañeñandu porãite jastudia jave la Biblia, haʼete voi ñanembopiroʼýva. Péro ikatu jaʼe ñañeñandu porãveha ñamombeʼu jave ótrope umi óro kuʼi jatopa vaʼekue jastudiávo. Proverbios 11:25 heʼi voi: “Pe omeʼẽva y hapichápe hoyʼu hag̃ua, orresivíta avei y”.

Ñamombeʼúramo ótrope la ñaaprendéva, ikatúta ñanemanduʼa porãve ha ñantende porãve la jastudia vaʼekue. Avei umi mbaʼe ñaaprendéva ikatu oipytyvõ ótrope, upévare ñande voi javyʼáta ñakomparti jave umi óro kuʼi jatopa vaʼekue (Hech. 20:35).

Etanteamína ko mbaʼe: Pe semána oúvape eñehaʼã emombeʼu la reaprende vaʼekue ótrope. Por ehémplo ikatu emombeʼu ne héntepe, peteĩ ermáno ne kongregasionguápe, ne kompañéro de traváho térã de koléhiope, ne vesínope térã umi héntepe predikasiónpe. Eñehaʼã eexplika la reaprende vaʼekue ne ñeʼẽtépe. Avei iporãta isensílloramo ha hesakã porãrõ.

Nemanduʼákena: Remombeʼu vaʼerã la reaprendéva remokyreʼỹ hag̃ua ótrope, ha ndahaʼéi hína ejechauka hag̃ua (1 Cor. 8:1).