Jesús “oaprende mbaʼépa heʼise ñaneñeʼẽrendu”

Jesús siémpre iñeʼẽrendu vaʼekue Jehovápe (Juan 8:29). ¿Mbaʼérepa upéicharõ la Biblia heʼi haʼe ‘oaprende hague mbaʼépa heʼise ñaneñeʼẽrendu umi mbaʼe osufri vaʼekuére’? (Heb. 5:8).

Jesús oĩrõ guare ko yvy ape ári ohasa vaʼekue umi situasión anteve ndohasái vaʼekue yvágape. Por ehémplo, ituakuéra ohayhu vaʼekue Jehovápe péro iñimperfékto hikuái (Luc. 2:51). Avei heta otrata vai vaʼekue chupe umi líder rrelihióso ha umi governánte (Mat. 26:59; Mar. 15:15). Upéi katu Jesús omano asyeterei vaʼekue. La Biblia heʼi voi: “Haʼe oñeumilla ha iñeʼẽrendu omano meve” (Filip. 2:8).

Jesús ohasa rupi koʼã mbaʼe ko yvy ape ári, oaprende mbaʼéichapa ikatu iñeʼẽrendu Itúape hetave hendáicha. Upéicha rupi oiko chugui peteĩ rréi ha súmo saserdóte ikatúva ñanentende porã (Heb. 4:15; 5:9). Jesús ohasa rire entéro koʼã mbaʼe Jehová omombaʼevéntema chupe. Avei Jesús ideprovechovéntema kuri Jehovápe oaprende rire “mbaʼépa heʼise ñaneñeʼẽrendu umi mbaʼe osufri vaʼekuére”. Ñande avei ikatu ñaneñeʼẽrendu Jehovápe ijetuʼúramo jepe. Upéicha Jehová ñanemombaʼevéta ha ñandedeprovechovéta chupe g̃uarã oimeraẽ asignasiónpe (Sant. 1:4).