¿Operhudikápa hína umi rred sosiál pene famíliape? ¿Mbaʼéichapa la Biblia ikatu oipytyvõ tuakuérape?

“Koʼág̃arupi umi imitãva oreko hetaiterei provléma mentál, ha péva ojagarrapaite ko múndo tuichakuére. Rohechakuaa umi rred sosiál haʼeha la provléma prinsipál” (Dr. Vivek Murthy, director general de Salud Pública de Estados Unidos, New York Times, 17 de junio de 2024).

Tuakuéra, ¿mbaʼéichapa ikatu peprotehe pene famíliape oipuru jave hikuái umi rred sosiál? La Biblia oreko heta konsého ikatútava penepytyvõ.

Tuakuéra, mbaʼépa ikatu pejapo

Peanalisamína koʼã konsého oĩva la Bíbliape.

“Pe iñarandúva [...] opensa porã ojapo mboyve álgo” (Proverbios 14:15).

Ani pepensa pene família si o si oreko vaʼerãha umi rred sosiál, koʼýte perekóvo enkuénta mbaʼeichaitépa ipeligróso umíva. Pemeʼẽ mboyve chupekuéra permíso, pehecha vaʼerã oĩmapa preparádo oipuru hag̃ua umíva. Por ehémplo, ¿orrespetánepa pejéramo chupekuéra mboy tiémpopa oipuru vaʼerã?, ¿osegítapa oreko amígo ovaléva la péna?, ¿orrechasánepa umi mbaʼe naiporãiva ohecha?

• Peikuaasevéramo, ikatu pelee umi artíkulo “¿Deberían mis hijos usar redes sociales?” ha “Enséñele a su hijo adolescente a usar con seguridad las redes sociales”.

“Peipuru porãke pene tiémpo” (Efesios 5:16).

Pepermitíramo pene famíliape oipuru umi rred sosiál, pejékena chupekuéra mbaʼéichapa ha mboy tiémpopa ikatu oipuru. Avei peexplika chupekuéra mbaʼéichapa umi rrégla pemoĩva ikatu oprotehe chupekuéra. Peñatende porãkena pehechakuaa hag̃ua oimépa pene família okambia la ijaktitu oipuru rire umi rred sosiál, ha tekotevẽramo, pesuspendeʼimi chuguikuéra.

• Pehecha oñondive pe vidéo Aníkena eipuru vai umi rred sosiál. Péicha pene família ohechakuaáta mbaʼérepa iñimportánte omoĩ límite oipuru jave umi rred sosiál.

Eaprendeve hag̃ua

La Biblia heʼi ñane tiémpope ‘pe situasión ijetuʼúta ha ipeligrosotaha’ (2 Timoteo 3:1-5). Péro avei omeʼẽ umi konsého ñanepytyvõtava ñaaguanta hag̃ua. Pe artíkulo héravape “Hetaiterei imitãva oreko provléma mentál”, retopáta mas de 20 artíkulo, orekóva konsého bíblico ideprovéchotava tuakuéra ha ifamíliape.