¿Mbaʼéichapa umi testígo de Jehová oipuru umi donasión?
Ore roipuru umi donasión roorganisa hag̃ua ore rrelihión ha avei roipytyvõ hag̃ua umi oikotevẽvape. La ore misión prinsipál ningo roipytyvõ ore rapichápe oiko hag̃ua chuguikuéra Jesús disípulo (Mateo 28:19, 20).
Ni peteĩ testígo de Jehová ndoipurúi umi donasión oñemborríko hag̃ua. Por ehémplo ndojepagái mbaʼevete umi ansiánope térã umi oporomboʼévape. Ndojepagái avei umi ohóvape opredika ogahárupi. Umi oservíva umi sukursálpe ha pe sentrál mundiálpe katu, umíva apytépe umi oĩva pe Kuérpo Governántepe, oréichante avei opertenese pe rrelihiónpe ha ndorekói suéldo.
Mbaʼe mbaʼépa ojejapo ore organisasiónpe
Rrevísta, lívro, vidéo ha hetave informasión: Káda áño ojetradusi, oñeimprimi ha oñentrega hetaiterei Biblia ha informasión bíblica ojekovraʼỹre mbaʼevete la héntepe. Avei ore sítio jw.org ha ore aplikasión JW Líbrarype ikatu retopa hetaiterei puvlikasión grátis ha ndorekói puvlisida.
Traváho de konstruksión ha mantenimiénto: Ko múndo tuichakuére oñemopuʼã ha ojejapo mantenimiénto umi lugár roñembyatyhápe roadora hag̃ua Ñandejárape. Koʼã Salón iporã ha isensillomíva oipuru umi kongregasión. Upéicha avei oñeñangareko umi sukursál ha ofisína de traduksión rehe. Ojejapo hag̃ua entéro koʼã traváho ojeofrese umi Testígo kómo voluntário ha upévare saʼive ojegasta.
Traváho de administrasión: Umi donasión oñemeʼẽva ojepuru ojekuvri hag̃ua umi gásto tekotevẽva ofunsiona hag̃ua umi sukursál, umi ofisína de traduksión ha pe traváho ojapóva umi ermáno ovisitáva umi kongregasiónpe.
Ojepredika: Umi Testígope ndojepagái opredika haguére umi notísia porã ni omboʼe haguére la héntepe ‘Ñandejára ñeʼẽ’ (2 Corintios 2:17). Péro oĩ kristiáno orresivíva kapasitasión espesiál ha oipurupaitéva itiémpo opredika hag̃ua, chupekuéra oñepytyvõ oreko hag̃ua umi mbaʼe oikotevẽva ha peteĩ lugár sensillomi oiko hag̃ua . Péicha ojejapo vaʼekue avei umi kristiáno ypykue tiémpope (Filipenses 4:16, 17; 1 Timoteo 5:17, 18).
Oñemboʼe ha ojekapasita: Umi gásto oĩva ojejapo hag̃ua umi aty guasu ojekuvri avei umi donasión rupive. Ojejapo avei informasión bíblica áudio ha vidéope. Oñeorganisa avei kúrso de kapasitasión umi ansiáno ha umi opredika memévape g̃uarã. Péicha ojapo porãve hikuái la oñehaʼarõva chuguikuéra.
Oñepytyvõ oiko jave algún desástre: Oiko jave peteĩ desástre tahaʼe pe naturalésa káusare o umi persóna káusare, oñepytyvõ umi oikotevẽvape. Por ehémplo oñemeʼẽ tembiʼu, y térã peteĩ lugár opyta hag̃ua hikuái. Koʼã ajúda ndahaʼéi ovenefisiáva umi Testígope añónte, síno avei umi ndahaʼéivape ore rrelihionguápe (Gálatas 6:10).