Nóta

c Oĩ expérto okalkuláva koʼã kuimbaʼe ojapo hague peteĩ promésa oservi hag̃ua de nazareo (Núm. 6:1-21). Jaikuaaháicha, yma umi oĩva pe léi poguýpe ojapómi vaʼerã upe promésa, péro koʼág̃a pe léi ndovalevéima kuri. Upéicharõ jepe, Pablo opensáne raʼe ndaivairiha koʼã kuimbaʼe okumpli la ikompromíso Jehovándi. Upévare ndaivaimoʼãi avei kuri la haʼe opaga hesekuéra ha oho hendivekuéra. Ndajaikuaaporãi añete mbaʼeichagua kompromísopa la ojapo vaʼekue koʼã kuimbaʼe, péro tahaʼe haʼéva la oprometéva hikuái, posívlemente Pablo ndoapojamoʼãi kuri chupekuéra oimérire haʼekuéra osakrifikase peteĩ animál, ojapoháicha ymave umi nazareo, ikatu hag̃uáicha oñeperdona chupekuéra ipekádo. Cristo omeʼẽma rupi hete perfékto enterovéva rehehápe, umi sakrifísio de animál ndovalevéima kuri oñeperdona hag̃ua umi hénte pekádo. Péro tahaʼe haʼéva la Pablo ojapo vaʼekue, ikatu ñaĩ segúro haʼe ndojapomoʼãi hague mbaʼeve omongyʼátava chugui ikonsiénsia.