iñorganisasión, koʼág̃a ojepredika hetaiterei lugárpe, térã emombeʼu peteĩ experiénsia iñinteresánteva. Koʼã mbaʼe omombaretéta katuete umi nerendúvape.

Umi ermáno koʼýte ikyreʼỹta avei rehechaukáramo Jehová omombaʼeha upe ojapóva hikuái. Eguerohory chupekuéra opredika meme rupi, ha oimérõ oĩ umi ijedámava térã hasykatúva, emombaʼe avei koʼã ermánope ojapo haguére ikatumíva. Ere chupekuéra Ñandejára siémpre imanduʼataha umi mbaʼe porã ojapo vaʼekuére (Heb. 6:10). Avei remyesakã vaʼerã ñaaguantáramo umi jehasa asy jahechaukaha ñande jerovia imbareteha, ha upéva ovaleterei Jehovápe g̃uarã (1 Ped. 1:6, 7). Koʼã mbaʼe ningo omokyreʼỹetereíta umi ermánope.

Kyreʼỹme reñeʼẽ vaʼerã Ñandejára promésare. Umi promésa oĩva Ñandejára Ñeʼẽme ñanemokyreʼỹeterei. Oiméne umi ermáno heta vésema ohendu koʼã mbaʼe, ¿mbaʼépa ikatu rejapo upéicharõ og̃uahẽve hag̃ua umi nerendúva korasõme? Reñeʼẽ vaʼerã con sentimiénto koʼã promésare, upéicha haʼekuéra ogueroviáta, omombaʼevéta umíva, ha ohechakuaáta oñekumplitaha katuete. Umi suherénsia jahecha vaʼekue ko eskuélape nepytyvõta rejapo porã hag̃ua upéva.

Añetehápe ningo Jehová hína pe omokyreʼỹ ha omombaretéva enterove isiervokuérape. Péro nde ikatu avei reipytyvõ chupe, otoka jave ndéve diskúrso reaprovecha vaʼerã rejapo hag̃ua upéva.

¿REÑEHAʼÃPA resegi umi suherénsia jahecha vaʼekue káda leksiónpe? ¿Rejapópa umi taréa oñemoĩva? Rejapo vove ne asignasión rreunionhápe térã repredika jave, ¿resegípa umi suherénsia oĩva ko lívrope?

Esegíkena eñembokatupyry pe Eskuéla Jaiporukuaa Hag̃ua la Biblia rupive. Rerekóramo jepe heta experiénsia remeʼẽvo diskúrso, oĩta katuete umi mbaʼe tekotevẽhápe remehora.