• ¿Mbaʼéichapa oñepyrũ la vída?
    ¡Jaikóta vyʼápe pára siémpre! Jastudia hag̃ua la Biblia oñondive

    • 3. ¿Mbaʼépepa ñande ñanediferénte umi animálgui?

      Jehová okrea rire ko yvy ojapo opa mbaʼe oikovéva oĩ hag̃ua pype. Primero okrea umi plánta ha animalkuéra. Ha upéi “ojapo pe yvypórape ijoguaháramo” (elee Génesis 1:27). ¿Mbaʼépepa ñande ñanediferénte umi ótra kreasióngui? Ñandejára ñandeapo vaʼekue ijoguaháramo, upévare ikatu jareko umi kualida haʼe orekóva. Por ehémplo ikatu japorohayhu ha ñandehústo haʼéicha, avei omeʼẽ ñandéve pe kapasida ñaaprende hag̃ua heta idióma, jadisfruta hag̃ua pe músika ha hetave mbaʼe porãgui. Ha ikatu jaadora ñande Kreadórpe, upéva ni peteĩ animál ndaikatúi ojapo.

  • ¿Mbaʼéichapa oñepyrũ la vída?
    ¡Jaikóta vyʼápe pára siémpre! Jastudia hag̃ua la Biblia oñondive

    • 5. ¿Ikatúpa jaguerovia la Biblia heʼíva pe kreasiónre?

      Génesis kapítulo 1-pe oñemombeʼu ñandéve mbaʼéichapa ojekrea ko yvy ha umi mbaʼe oĩva pype. ¿Ikatúpa jaguerovia upépe heʼíva, térãpa kuénto reínte umíva? Ehecha pe VIDÉO, ha upéi erresponde koʼã porandu:

      VIDÉO: ¿Mbaʼéichapa oñepyrũ vaʼekue ko univérso? (Vidéo mbykyvéva) (3:51)

      Taʼanga: mokõi párte pe vidéo héravagui: “¿Mbaʼéichapa oñepyrũ vaʼekue ko univérso? (Vidéo mbykyvéva)”. 1. Umi 6 día Ñandejára okrea hague opa mbaʼe oñemoĩ en órden umi divúhope. 2. Mbaʼéichapa opyta ñane planéta opa rire umi 6 día: ojekuaáma pe kuarahy, pe yvy isekoha, peteĩ lágo, umi plánta, guyra, ótro animalkuéra ha yvypóra.

      • ¿Omboʼépa la Biblia ko yvy ha umi mbaʼe oĩva pype ojekrea hague 6 día de 24 órapente?

      • ¿Ndépa ere isentidoha la Biblia omboʼéva pe kreasiónre? ¿Mbaʼérepa repensa upéicha?

      Elee Génesis 1:1, ha upéi erresponde ko porandu:

      • Umi sientífiko heʼi ko univérso oreko hague peteĩ prinsípio, ha pe téxto de Génesis ohechauka avei upeichaha. Entónse, ¿oĩpa de akuérdo la heʼíva umi sientífiko ha umi mbaʼe heʼíva la Biblia ko témare?

      Oĩ ogueroviáva Ñandejára oipuru hague pe evolusión omoñepyrũ hag̃ua la vída. Elee Génesis 1:21, 25 ha 27, ha upéi erresponde koʼã porandu:

      • ¿Omboʼépa la Biblia Ñandejára ojapo hague peteĩ sélulante ha upéva oevolusiona hague oiko peve chugui pira, upéi ótro animál ha ipahápe peteĩ persóna? ¿Térãpa omboʼe Ñandejára okrea hague entéro mbaʼe oikovéva “asegún ikláse” ha ivarieda?