-
‘Nde rehohápe, che aháta’Jajeroviave hag̃ua
-
-
16-18. a) ¿Mbaʼépa heʼi Rut ohechauka hag̃ua oporohayhu añeteha? b) ¿Mbaʼépa ojapo Rut ohayhu añetégui isuégrape? (Ehecha umi taʼanga oĩháme Rut ha Noemí.)
16 Rut ohayhu ipyʼaite guive Noemípe ha Ijára Jehovápe. Upévare oikuaa porãiterei mbaʼépa ojapóta. Ohokuévo hikuái, omaña Noemí rehe ha heʼi chupe: ‘Anivéna rejerure chéve roheja hag̃ua ha anive hag̃ua romoirũ. Nde rehohápe che aháta, nde reikohápe che aikóta. Ne retã che retãrã, nde Jára che Jararã avei. Nde remanohápe che amano vaʼerã, ha upépe añeñotỹ vaʼerã avei. Rohejáramo, Jehová tojahéi cherehe. Ñamanóramo añoite ñande jajeíta ojuehegui’ (Rut 1:16, 17, NM).
‘Ne retã che retãrã, nde Jára che Jararã avei’
17 ¡Ajépa ñanemopirĩmba Rut heʼi vaʼekue! Ohasáma ningo tres mil áñorupi Rut heʼi hague koʼã mbaʼe ha koʼág̃a peve ñanemanduʼa gueteri hese. Haʼe ohechauka oporohayhu añeteha. Rut ohayhueterei isuégrape ha oĩ oho hag̃uáicha hendive ótro lugárpe, omanóramo añoite ojeíta hikuái ojuehegui. Haʼe odesidíma oikotaha Noemí puévlope ha ohejataha opa mbaʼe oĩva Moábpe, umíva apytépe umi taʼanga omombaʼeguasu vaʼekue. Rut ipyʼaite guive oservise Noemí Jára Jehovápe, ndojoguaiete Orpápe.a
-
-
‘Nde rehohápe, che aháta’Jajeroviave hag̃ua
-
-
a Rut ningo peteĩ extranhéra vaʼekue ha ikatúnte kuri umi ótroicha heʼi “Ñandejára”, péro haʼe oiporu Ñandejára réra: Jehová. Peteĩ lívro heʼi: “Péicha pe ohai vaʼekue Rut kuatiañeʼẽ ohechauka ko tetã ambuegua omombaʼeguasu hague ipyʼaite guive Ñandejára añeteguápe” (The Interpreterʼs Bible).
-