Upémarõ mokõivéva osegi hape oho hag̃ua Belénpe. Ojeʼe una semána rupi ogueraha hague chupekuéra og̃uahẽ hag̃ua upe távape. Péro ohógui oñondive oiméne ogueropuʼakave hikuái imbaʼembyasy.

Rut ha Noemí og̃uahẽ sapyʼa Belénpe, opytáva 10 kilómetro rupi Jerusaléngui súr gotyo. Umi hénte heʼíva ohechauka Noemí ha ihentekuéra oiko porã hague yma Belénpe. Umi kuñakaraikuéra omaña joa hese ha oñeporandu: ‘¿Péva piko Noemí?’. Oiménengo ojekuaáraʼe hese heta tiémpore ohasa asy hague Moábpe (Rut 1:19, ÑÑB ).