• Odefende Ñandejára puévlope
    Ñemañaha 2012 | 1 de enero

    • Ester oiméne ojepyʼapyeterei rakaʼe ohendúvo mbaʼépa ojerure chupe Mardoqueo. Arakaʼeve ningo ndohasáiva gueteri koʼãichagua situasión ijetuʼúvare. Upévare heʼika Mardoquéope okyhyjeha. Mbaʼérepa okyhyje Ester? Pe léi pérsa ningo heʼi ojejukavaʼerãha peteĩ oñembojávape rréi Asuero rendápe haʼe ohenoiʼỹre. Péro peteĩ tapicha naiñeʼẽrendúiva ko léipe ikatu ojesalva pe rréi ohupíramo añoite ivastón de óro operdona hag̃ua chupe. Pe rréi ningo okastigavaʼekue Vástipe ndohói haguére ohenóirõ guare chupe, mbaʼére piko upéicharõ otrata porãvéta Estérpe? Hiʼarive upérõ ojapóma treinta día nohenoikavéi hague chupe, upéva ikatu voi ohechauka pe rréi ndohayhuveimaha Estérpe (Ester 4:9-11).d

  • Odefende Ñandejára puévlope
    Ñemañaha 2012 | 1 de enero

    • d Jerjes I ningo iviolentovaʼekue ha manterei okambia. Pe istoriadór griégo Heródoto, oñeʼẽvo pe gérrare Grecia kontrápe, omombeʼu mbaʼeichaitépa Jerjes I ijarhél. Peteĩ jey, ojapouka peteĩ puénte varkokuéra ári, okrusáva pe mar Helesponto. Peteĩ torménta vai ombyaipárõ guare pe puénte, oñakãʼouka umi inheniéro ha “okastiga” pe márpe oinupãvo peteĩ arreadórpe. Upe jave, peteĩ karai ipláta hetáva ojerurérõ guare chupe ani hag̃ua peteĩ itaʼýra oservi ehérsitope, pe rréi heʼi oñembojaʼo hag̃ua mbytetépe pe kariaʼýpe ha ojehechauka hag̃ua heʼõngue oñemongyhyje hag̃uáicha opavavépe.