La Biblia heʼi porã ñande rekove ‘mbykyha ha henyhẽteha provlémagui’ (Job 14:1). Péro, ¿upévapa la Ñandejára oipotáva ñandéve g̃uarã? Ha oiméramo nahániri, ¿mbaʼe upéicharõ la ipropósito? ¿Ikatúnepa algúna ves jaiko jey haʼe oipota haguéicha? Jahechamína mbaʼépa heʼi la Biblia.

1. ¿Mbaʼéichapa Ñandejára oipota jaiko?

Jehová ningo oipota iporãvante ñandéve g̃uarã. Okreárõ guare Adán ha Évape omoĩ chupekuéra peteĩ hardín iporãitereívape, hérava Edén. Upéi “Ñandejára ovendesi avei chupekuéra ha heʼi: ‘Penefamília retákena ha peñemboheta hetave ha pemyenyhẽ ko yvy ha peipuru’” (Génesis 1:28). Jehová oipota haʼekuéra ifamília, ojapo ko yvy kompletoitégui peteĩ paraíso ha okuida umi animál rehe. Ñandejára ymaite guive oipota enterove ñaneresãi ha jaiko vyʼápe pára siémpre.

Koʼã mbaʼe ndoikóiramo jepe Ñandejára oipota haguéicha,a ipropósito ñandéve g̃uarã nokambiái (Isaías 46:10, 11). Haʼe oipota gueteri koʼág̃a peve entéro iñeʼẽrendúva chupe oiko vyʼápe pára siémpre peteĩ paraísope (elee Apocalipsis 21:3, 4).

2. ¿Mbaʼéichapa ikatu koʼág̃ama voi javyʼa?

Jehová ningo ñandekrea ñadepende hag̃uáicha hese. Upévare voi la Biblia heʼi ovyʼaha “umi ohechakuaáva oikotevẽha Ñandejárare” (elee Mateo 5:3-6). Haʼe oipota oiko ñandehegui iñamigoite, jaiko hapére, jahayhu ha jaservi chupe ñande pyʼaite guive (Deuteronomio 10:12; Salmo 25:14). Jajapóramo upéicha ikatúta javyʼa ñaneprovléma hetáramo jepe. Ñande jaadorávo Jehovápe jahechakuaa ñande rekove isentidoha ha javyʼa, pórke jaiko haʼe oipotahaichaite.

3. Jehová oipota jaiko vyʼápe pára siémpre

Ehecha pe VIDÉO, ha upéi erresponde ko porandu:

VIDÉO: ¿Mbaʼérepa Ñandejára ojapo ko yvy? (Vidéo mbykyvéva) (1:41)

• ¿Mbaʼérepa Ñandejára okrea porãite ko yvy?

Elee Eclesiastés 3:11, ha upéi erresponde ko porandu:

• ¿Mbaʼépa nemboʼe Jehovágui ko téxto?

4. Jehová propósito ñandéve g̃uarã nokambiái

Elee Salmo 37:11, 29 ha Isaías 55:11, ha upéi erresponde ko porandu:

• ¿Mbaʼérepa ikatu ñaime segúro Jehová propósito nokambiaiha?

5. Jaadorávo Jehovápe isentído la ñande rekove

VIDÉO: Antende maʼerãpa añetehápe jaikove (5:03)

• ¿Mbaʼéichapa oipytyvõ Terúmipe oikuaávo maʼerãpa Ñandejára ñandekrea vaʼekue?

Elee Eclesiastés 12:13, ha upéi erresponde ko porandu:

• ¿Mbaʼéichapa ikatu jahechauka Jehovápe jaagradeseha umi mbaʼe porãita ojapóva ñanderehehápe?

RRESÚMEN

Jehová oipotaiterei jaiko vyʼápe pára siémpre peteĩ paraísope ko yvy ape ári. Ha jaservívo chupe ñande pyʼaite guive ikatúta javyʼa koʼág̃ama voi.

Rrepáso

• ¿Mbaʼéichapa oipota vaʼekue Jehová oiko Adán ha Eva?

• ¿Mbaʼérepa jaʼekuaa Ñandejára propósito ñandéve g̃uarã nokambiaiha?

• ¿Mbaʼéichapa ikatu revyʼa añete?

EINVESTIGA HAG̃UA

Ehecha mbaʼérepa ikatu ñaime segúro pe hardín de Edén añetehápe oexisti hague.

“Oĩpa rakaʼe pe hardín de Edén?” (Ñemañaha Abril-Junio de 2011)

¿Mbaʼérepa jaʼekuaa ko yvy noñehundimoʼãiha arakaʼeve?

“¿Oñehundítapa ko yvy?” (Artíkulo oĩva jw-pe)

¿Mbaʼéichapa ikatu isentidove ndéve la nde rekove? Ehechamína mbaʼépa heʼi la Biblia.

“¿Maʼerãpa Ñandejára ñandekrea vaʼekue?” (Artíkulo oĩva jw-pe)

Ehecha mbaʼépa oipytyvõ peteĩ karaípe isentído hag̃ua la hekove.

Koʼág̃a ae isentído la che rekove (3:55)

2. ¿Mávapa ogovernáta Jesúsndi?

Jesús nogovernamoʼãi haʼeño, síno omoirũta chupe heta persóna oúva opaichagua trívu, puévlo ha tetãgui, ha oñeʼẽva diferénte idióma. Ha haʼekuéra ogovernáta ko yvy (Apocalipsis 5:9, 10). ¿Mboy piko umi ogovernátava Cristo ndive? Jesús ou guive ko yvy ape ári, hetaiterei hénteguima oiko isegidór. ¿Sera piko enterovéva ogovernáta hendive? Nahániri. Umíva apytégui ojeporavo 144.000 añónte ohótava yvágape ogoverna hag̃ua Jesús ndive (elee Apocalipsis 14:1-4). Entéro umi ótro kristiáno oikóta ko yvy ape ári, ha oĩta Ñandejára Rréino poguýpe (Salmo 37:29).

Ñandejára Rréino ningo ogovernáma, ha koʼẽrõite okambiáta hetaiterei mbaʼe ko yvy ape ári. Jahechamína unas kuánta kósa iporãitereíva nde ikatútava rehupyty jaiko vove upe Rréino poguýpe.

1. ¿Mbaʼépa ojapóta Ñandejára Rréino oĩ jey hag̃ua hustísia ha pyʼaguapy ko múndope?

Jesús, pe Rréi ogovernáva Ñandejára Rréino, ohundietéta umi hénte aña ha umi goviérno umánope pe gérra de Armagedónpe (Apocalipsis 16:14, 16). Upe tiémpope, ko múndo tuichakuére oñekumplíta ko profesía oĩva la Bíbliape: “Koʼẽrõitéma opáta umi hénte iñañáva” (Salmo 37:10). Ñandejára Rréino rupive Jesús ojapóta tekotevẽva guive oĩ jey hag̃ua hustísia ha pyʼaguapy ko múndope (elee Isaías 11:4).

2. ¿Mbaʼéichapa jaikóta ojejapo vove Ñandejára volunta ko yvy ape ári?

Ñandejára Rréino poguýpe, “umi hembiapo porãvape oñemeʼẽta ko yvy, ha oikóta pype opa ára g̃uarã” (Salmo 37:29). ¡Eñeimahinamína mbaʼeichaitépa javyʼáta peteĩ lugár oĩháme hénte hembiapo porãvante ha ohayhúva Jehovápe ha hapichakuérape! Upépe ndaiporimoʼãvéima hasýva ha enterovéva oikóta pára siémpre.

3. ¿Mbaʼépa ojapóta Ñandejára Rréino oñehundipa rire umi hénte añáme?

Oñehundi rire umi hénte añáme, Jesús ogovernáta 1.000 áñore. Upe aja haʼe ha 144.000 ogovernáva hendive oipytyvõta umi oikóvape ko yvy ape ári haʼe hag̃ua perfékto. Ko yvýgui oiko jeýta peteĩ paraíso, ha opávo umi 1.000 áño oikóta pype vyʼápe sólamente umi iñeʼẽrendúva Jehovápe. Upéi Jesús omeʼẽ jeýta pe Rréino Itúa Jehovápe. Ha upérõ hasypeve ko yvy tuichakuére oñembotuicháta Jehová réra (Mateo 6:9, 10). Avei ojehechaukátama Jehová haʼeha peteĩ governánte imbaʼeporãva ha oñeinteresáva umi oĩvare ipoguýpe. Haʼe ohundíta Satanáspe, idemoniokuérape, ha oimeraẽ ótro opuʼãvape igoviérno kóntrare (Apocalipsis 20:7-10). Ha entéro mbaʼe porã oguerútava Ñandejára Rréino oduráta pára siémpre.

EJEPYʼAMONGETAMÍNA

4. Ñandejára Rréino ohundíta umi goviérno umáno

La Biblia heʼi: “Yvypóra omanda hapicháre operhudika hag̃uánte chupe” (Eclesiastés 8:9). Upéicha rupi ko múndope oĩ hetaiterei inhustísia, péro Jehová oipurúta Irréino osolusionaite hag̃ua upéva.

Elee Daniel 2:44 ha 2 Tesalonicenses 1:6-8, ha upéi erresponde koʼã porandu:

• ¿Mbaʼépa ojapóta Jehová ha Itaʼýra Jesús umi goviérno umánore ha umi oapojávare koʼã goviérno?

• Koʼág̃a reikuaa porãvémarõ Jehová ha Jesúspe, ¿mbaʼérepa reimekuaa segúro haʼekuéra ihustotaha katuete?

5. Jesús haʼe pe ñanegoverna porãvétava

Ogoverna aja Ñandejára Rréinope, Jesús ojapóta hetaiterei mbaʼe oipytyvõ hag̃ua umi oikóvape ko yvy ape ári. Oĩrõ guare ko yvy ape ári, haʼe ohechaukáma vaʼekue oipytyvõseha la héntepe ha Ñandejára omeʼẽ hague chupe pe podér upearã. Eikuaa hag̃ua mbaʼérepa jaʼe upéva ehecha pe VIDÉO.

VIDÉO: Jesús ohechauka vaʼekue mbaʼépa ojapóta Ñandejára Rréino (1:13)

Oĩ aja ko yvy ape ári Jesús ohechauka vaʼekue michĩmi mbaʼe mbaʼépa ojapóta Ñandejára Rréino rupive. Emañamína pe lístape umi promésa porãite jatopáva la Bíbliape. ¿Mavaitévapa ndegustave? Elee umi téxto bíblico oĩva káda vendisión rire nepytyvõtava rentende porãve hag̃ua káda uno.

6. Ñandejára Rréino poguýpe añetehápe jaiko porãta

VIDÉO: Jareko peteĩ futúro iporãitereíva (4:38)

Elee Salmo 145:16, ha upéi erresponde ko porandu:

• ¿Mbaʼéichapa reñeñandu reikuaávo Jehová omeʼẽtaha “entérope opa mbaʼe oipotáva”?

RRESÚMEN

Ñandejára Rréino rupive oñekumplíta Jehová volunta. Ko yvy kompletoitégui oikóta peteĩ paraíso oĩtahápe sólamente umi hénte ivuénova oadoráva Jehovápe pára siémpre.

Rrepáso

• ¿Mbaʼéichapa Ñandejára Rréino ombotuicháta Jehová réra?

• ¿Mbaʼérepa ikatu jaguerovia Ñandejára Rréino rupive oñekumplitaha umi promésa oĩva la Bíbliape?

• Ñandejára Rréino ojapóta heta mbaʼe iporãitereíva, ¿mbaʼépa la nde rehechasevéva umíva apytégui?

EINVESTIGA HAG̃UA

Ehecha mbaʼépa heʼise Armagedón.

“¿Mbaʼépa hína pe gérra de Armagedón?” (Artíkulo oĩva jw-pe)

Jesús oñeʼẽ vaʼekue pe “jehasa asy guasu” rehe, ehechamína mbaʼépa oikóta upe vove (Mateo 24:21).

“¿Mbaʼépa pe jehasa asy guasu?” (Artíkulo oĩva jw-pe)

Ehecha mbaʼéichapa umi família ikatu oñeimahina umi mbaʼe porã ohupytýtava pe paraísope.

Eñeimahina reimemaha pe paraísope (1:50)

Pe experiénsia héravape “Oĩ vaʼekue heta mbaʼe nantendéiva”, ehecha mbaʼépa oipytyvõ peteĩ karaípe otopa hag̃ua la rrespuésta umi mbaʼe oikuaasévape.

“La Biblia okambia chupekuéra” (La Atalaya 1 de enero de 2012)