2. ¿Mbaʼe mbaʼépa ñamboyke vaʼerã ñanepotĩ hag̃ua?

La Biblia heʼi: “Ñamopotĩ vaʼerã ñande rete ha ñane korasõ” (2 Corintios 7:1). Upéva heʼise ñamboykete vaʼerãha opa mbaʼe ikatúva omongyʼa ñande rete ha ñane pensamiénto. Umi mbaʼe ñapensáva ikatu ombovyʼa Jehovápe, upévare ñañehaʼãmbaite ñamboyke umi pensamiénto vai (Salmo 104:34). Ñañehaʼã avei pono jaʼe mbaʼeve ivaíva ni ñandejurukyʼa (elee Colosenses 3:8).

Péro oĩ hetave mbaʼe ñamboyke vaʼerã ñanepotĩ hag̃ua Ñandejára renondépe, por ehémplo umi mbaʼe ñamoingéva ñande retepýpe ha ikatúva ñandeperhudika. Upéicha rupi ndovaléi japita, jaisuʼu petỹ térã jajedroga. Ñamboyketéramo koʼã mbaʼe ñaneresãivéta ha jahechaukáta jarrespetaha ñande rekove. Iñimportánte avei ñamboykete umi práktika ikyʼáva Ñandejára renondépe, ikatu hag̃uáicha jasegi ñanepotĩ. Upévare oĩramo jepe ojejavykývaa térã ohecháva pornografía, ñande ñamboykete koʼã mbaʼe (Salmo 119:37; Efesios 5:5). Ha ijetuʼúramo jepe jasupera hag̃ua koʼã vísio, Jehová ikatu ñanepytyvõ ñakonsegi hag̃ua upéva (elee Isaías 41:13).

5. Aníkena eheja ipuʼaka nderehe umi pensamiénto ha práktika ikyʼáva

Elee Colosenses 3:5, ha upéi erresponde koʼã porandu:

• ¿Mbaʼérepa jaʼekuaa peteĩ persóna ikyʼaha Ñandejára renondépe ohecháramo pornografía, ojejavykýramo térã oguerahaka ha orresivíramo mensáhe, fóto térã vidéo tieʼỹ?

• ¿Ndépa ere ikatuha ñanepotĩ opa mbaʼépe Jehová oipotaháicha? ¿Mbaʼérepa repensa upéicha?

Ehecha mbaʼépa ikatu jajapo ani hag̃ua ipuʼaka ñanderehe umi pensamiénto kyʼa. Ehecha pe VIDÉO.

VIDÉO: Ejapókena tekotevẽva guive nderekopotĩ hag̃ua (1:51)

Jesús oipuru vaʼekue peteĩ komparasión ohechaukáva tekotevẽha jajapo ikatúva entéro ñanderekopotĩ hag̃ua. Elee Mateo 5:29, 30, ha upéi erresponde ko porandu:

• Pe ehémplo Jesús oipuru vaʼekue ndeʼiséi ñañelastima vaʼerãha ñandejupe voi, síno ohechauka ñandedesidído vaʼerãha ha ñakambia tekotevẽhápe ijetuʼúramo jepe. ¿Mbaʼeichagua kámbiopa ojapo vaʼerã peteĩ persóna omboykete hag̃ua umi pensamiénto kyʼa?c

Oiméramo nde reñehaʼãmbaite hína remboyke hag̃ua umi pensamiénto kyʼa, nemanduʼákena Jehová ovaloraha pe esfuérso rejapóva. Elee Salmo 103:13, 14, ha upéi erresponde ko porandu:

• ¿Mbaʼéichapa ko téxto ikatu nepytyvõ resegi hag̃ua reñehaʼã oiméramo rehejase hína peteĩ práktika kyʼa?

¡Aníkena eñentrega, nde ikatu hína regana!

Sapyʼánte ikatu repensa: “¡Haʼa jey voi piko! Añehaʼã reíma ningo”. Péro, ¿upéichapa añete? Epensamína ko ehémplore: peteĩ ohaʼãva karréra oñepysangáramo ha hoʼa, ¿heʼisépa upéva operdemaha térã oñepyrũ jey vaʼerãha la karréra? Nahániri. Upéicha avei, sapyʼa rei reʼa jeýramo upéva ndeʼiséi nanepohãveimaha ha ndaikatumoʼãveimaha reheja upe vísio vaiete. Ndeʼiséi avei ndovaléi hague la péna pe esfuérso rejapóma vaʼekue ni umi mbaʼe rehupytýmava. Upéicharõ, aníkena reñeñandu vaieterei oiméramo reʼa jey raʼe, upéva ningo oikónte voi. Aníkena eñentrega, Jehová nepytyvõ rupi ikatúta reheja upe vísio.