8. a) ¿Mbaʼe esperánsapa omeʼẽ pe rrepresentasión ojapo vaʼekue Ezequiel? b) ¿Mbaʼéichapa oñekumpli pe profesía oñeʼẽva umi akãrangue ‘ojelia vaʼekuére ao ruguáipe’?

⁸ Upéicharõ jepe, pe rrepresentasión profétika Ezequiel ojapo vaʼekue omeʼẽ avei peteĩ esperánsa. Jehová heʼírõ guare Ezequiélpe omoperõ hag̃ua iñakã heʼi avei chupe: “Rejagarra vaʼerã avei unos kuánto ne akãrangue [...] ha elia nde ao ruguáipe” (Ezeq. 5:3). Upéva ohechauka oĩtaha umi judío isarambíva umi nasionkuérape nomanomoʼãiva. Oĩta hína unos kuánto “umíva apytégui” ou jeýva Jerusalénpe, 70 áño oĩ rire hikuái esklávoramo Babilóniape (Ezeq. 6:8, 9; 11:17). ¿Oñekumplípa upéva? Si oñekumpli. Unos kuánto áño Babilonia opoi rire umi oĩvagui prisionéroramo, proféta Ageo heʼi oĩ hague umi judío ou jeýva Jerusalénpe, umi isarambi vaʼekue apytégui. Umi ou jeýva “ijedáma ha ohecha vaʼekue Ñandejára róga yma guare”, upéva hína pe témplo Salomón omopuʼã vaʼekue (Esd. 3:12; Ageo 2:1-3). Opromete haguéicha, Jehová nopermitíri opa pe adorasión verdadéra. Ko lívrope, kapítulo 9-pe, jahecha porãvéta mbaʼéichapa upérõ oñemeʼẽ jey vaʼekue Jehovápe adorasión verdadéra (Ezeq. 11:17-20).

• 

  “Elia nde ao ruguáipe”

  Oĩta unos kuánto ou jeýva Jerusalénpe ha péicha ndopamoʼãi pe adorasión verdadéra