TESÓRO OĨVA ÑANDEJÁRA ÑEʼẼME | 2 CORINTIOS 4-6
“Ñande nañanekaneʼõi”
Ñañeimahinamína mokõi família oikoha peteĩ ógape, ha la óga ivai ha itujáma. Peteĩva umi família oikóva upépe ndovyʼái ha ojedesespera, péro pe ótra família katu ovyʼa. ¿Mbaʼéreiko ovyʼa hikuái? Pórke ova potaitéma hikuái ótro óga ipyahúva ha iporãitereívape.
Enterove ñaiméva ko múndope ñanepyahẽ ha jahasa asýramo jepe, ñande jaservíva Ñandejárape jareko peteĩ esperánsa ñanepytyvõva ñaaguanta hag̃ua (Ro 8:22). Ñande jaikuaa umi mbaʼe ñanembosufríva koʼág̃a, tahaʼe jepe raʼe umi ñanembohasa asýmava heta áñore, ‘ivevýi ha sapyʼami g̃uarãnteha’ ñakomparátaramo umi mbaʼe porã jahupytýtavare pe múndo pyahúpe. Ñapensa meméramo umi mbaʼe porã jahupytýtavare Ñandejára Rréino rupive, ñanepytyvõta javyʼa hag̃ua ha ani hag̃ua ñañentrega.