Rreferénsia ojepurútava rreunionhápe Mbaʼéichapa Jaiko ha Japredika vaʼerã
6-12 DE MAYO
TESÓRO OĨVA ÑANDEJÁRA ÑEʼẼME | 2 CORINTIOS 4-6
“Ñande nañanekaneʼõi”
(2 Corintios 4:16) Upévare ñande nañanekaneʼõi, ñande rete oñembyaíramo jepe, ñande pyʼapy oñembopyahu ohóvo koʼẽ koʼẽre.
w04-S 15/8 25 párr. 16, 17
Ñanekaneʼõ péro nañañentregái
16 Iñimportanteterei ningo siémpre ñañatende pe amista jarekóvare Jehovándi, jajapóramo upéicha ikatu ñanekaneʼõ físikamente péro arakaʼeve nañanekaneʼõmoʼãi jasegi hag̃ua jaadora Jehovápe. “Haʼe omombarete umi ikaneʼõvape, ha omeʼẽ fuérsa umi ikangývape” (Isaías 40:28, 29). Apóstol Pablo ohechakuaa vaʼekue upéva ha upéicha rupi oskrivi: “Ñande nañanekaneʼõi, ñande rete oñembyaíramo jepe, ñande pyʼapy oñembopyahu ohóvo koʼẽ koʼẽre” (2 Corintios 4:16).
17 Pe téxtope heʼi “koʼẽ koʼẽre”. Upéva heʼise káda día jaaprovecha vaʼerãha umi mbaʼe Jehová omeʼẽva ñandéve. Peteĩ misionéra oservímava Jehovápe 43 áñore ohasa kuri avei heta mbaʼe omokaneʼõ ha odesanimáva chupe, péro haʼe noñentregái. Ko ermána heʼi: “Areko pe kostúmbre apuʼãvo káda día voi porã añemboʼe ha alee hag̃ua la Biblia ajapo mboyve umi ótra kósa. Upéva chepytyvõ asegi hag̃ua aaguanta koʼag̃aite peve”. Ñande ñaĩ segúro ñañemboʼe ha jajepyʼamongetáramo “koʼẽ koʼẽre” umi kualida porãite Jehová orekóvare ha umi ipromesakuérare, haʼe ñanemombaretetaha.
(2 Corintios 4:17) Pe jehasa asy ningo ivevýi ha sapyʼami g̃uarãnte, péro péva rupive jahupytýta pe prémio tuichavéva ohóvo ha opa ára g̃uarãva.
it-1-S 70
Aguánte
Avei siémpre ñanemanduʼa vaʼerã koʼẽrõitéma jajeitaha pe pekádo poguýgui ha ikatutaha jaikove pára siémpre. Ko esperánsa ni umi persóna ñandepersegíva ha ñandejukaséva ndaikatumoʼãi oipeʼa ñandehegui (Ro 5:4, 5; 1Te 1:3; Apc 2:10). Entéro mbaʼe koʼág̃a ñanembosufríva ndahaʼemoʼãvéima mbaʼevete ñambojojátaramo umi mbaʼe porã jahupytýtavare oñekumpli vove upe esperánsa jarekóva (Ro 8:18-25). Ñande ningo jaikovéta pára siémpre, upévare oimeraẽ mbaʼe koʼág̃a ñanembohasa asýva, ijetuʼuetereíramo jepe, ñandéve g̃uarã “ivevýi ha sapyʼami g̃uarãnte” (2Co 4:16-18). Ñanemanduʼáramo umi pruéva koʼág̃a jahasáva ndahaʼeiha tódo el tiémpo g̃uarã ha jajeroviáramo ñane esperánsare, ndajajedesesperamoʼãi ha siémpre ñandefiélta Jehovápe.
(2 Corintios 4:18) Ndajaikói ñapensa meme umi mbaʼe ikatúvare jahecha, ñapensa guei umi mbaʼe ikatuʼỹvare jahecha. Umi mbaʼe jahecháva ningo sapyʼami g̃uarãnte, umi mbaʼe ndajahecháiva katu opa ára g̃uarã.
Mbaʼépa ñaaprende Ñandejára Ñeʼẽgui
(2 Corintios 4:7) Upéicharamo jepe, roguereko kambuchípe ko mbaʼerepy porãite, ojekuaa hag̃ua pe podér ijojahaʼỹva ouha Ñandejáragui ha ndahaʼéi orehegui.
w12-S 1/2 28, 29
“Pembovyʼákena Jehovápe”
David Splane, oĩva pe Kuérpo Governántepe ojapo kuri ko diskúrso (2 Corintios 4:7). ¿Mbaʼépa raʼe pe mbaʼerepy haʼe oñeʼẽ hague? ¿Oñeʼẽpa raʼe pe konosimiénto rehe térãpa pe arandúre? Haʼe heʼi: “Nahániri, pe mbaʼerepy oñeʼẽ hague apóstol Pablo haʼe pe tembiapo jarekóva jaikuaaukávo pe añetegua” (2 Corintios 4:1, 2, 5). Upéi ermáno Splane omomanduʼa umi estudiántepe oñemboʼe hague chupekuéra cinco mése aja ikatu hag̃uáicha okumpli porã upe tembiapo. Ko asignasión ningo iñimportanteterei ha omombaʼe vaʼerã hikuái.
Pe diskursánte heʼi avei pe kambuchi orrepresentaha ñande rete. Upéi okompara peteĩ kambuchi ojejapóva ñaiʼũgui ha ótro ojejapóva órogui. Umi kambuchi ojejapóva ñaiʼũgui ojepuru káda día, péro umi de óro nahániri. Ñañongatúramo pe mbaʼerepy peteĩ kambuchi de órope, ikatu hína upe kambuchi iñimportánte avei ñandéve g̃uarã pe tesóro oñeñongatu vaʼekuéicha pype. Upévare ermáno Splane heʼi umi estudiántepe: “Aníkena peheka umi hénte penemombaʼeguasu síno entéro mbaʼe pejapóvape pemombaʼeguasu vaʼerã Jehovápe. Peẽ haʼe kambuchi ojejapóva ñaiʼũgui ha peneumílde vaʼerã”.
(2 Corintios 6:13) Añeʼẽ peẽme añeʼẽramoguáicha che raʼykuérape. Peavrína tuicha porã pene korasõ, ikatu hag̃uáicha orerayhu avei ore rojapoháicha.
Jahayhuvékena koʼẽ koʼẽre ermanokuérape
7 Ha ñande, ¿mbaʼépa ikatu jajapo? ¿Mbaʼéichapa ikatu jahayhu hetave ermánope? Jajepokuaave voínte ningo umi ñande avegua ha ñane retãygua rehe. Ha javyʼave voi umi ñandejoguávandi heta mbaʼépe. Péro heta vése upévare ndajajeheʼavéima ambue ñande rapicháre. Ha ani hag̃ua oiko upéva tekotevẽ ñañehaʼã jajeheʼa hetave ñande rapicháre. Iporã ñañeporandumi: “¿Chépa apredika umi che angirũndi añónte? ¿Hasýpa chéve ainvita hag̃ua ambue ermánope ndahaʼéiva che angirũ? ¿Chépa nañemoag̃uíri voi umi ou ramóvare rreunionhápe, ha haʼe amo gotyovémante ikatuha oiko chuguikuéra che amígo? ¿Asaludápa enterovépe kongregasiónpe, tahaʼe imitãva térã ijedávape?”.
13-19 DE MAYO
TESÓRO OĨVA ÑANDEJÁRA ÑEʼẼME | 2 CORINTIOS 7-10
“Jasokorre ñane ermanokuéra oikotevẽvape”
(2 Corintios 8:1-3) Koʼág̃a roʼese peẽme mbaʼépa ojapo umi kongregasión Macedoniagua Ñandejára imbaʼeporã rupi hendivekuéra. 2 Haʼekuéra ombohovái heta mbaʼe ijetuʼúva, ohasa asy, ha imboriahuetereíramo jepe hikuái, ovyʼaiterei ha ipojera. 3 Chete ikatu agaranti añeteha ko mbaʼe: omeʼẽ hague hikuái ikatumíva, ha omeʼẽve voi upe ikatu vaʼekuégui.
w98-S 1/11 25 párr. 1
‘Ñandejára ohayhu upe vyʼapópe omeʼẽvape’
Primeroite voi Pablo oñeʼẽ umi Corintoguápe umi macedóniore, haʼekuéra ipyʼaite guive oipytyvõ vaʼekue oĩrõ guare umi iñermáno oikotevẽva. Pablo oskrivi: “Haʼekuéra ombohovái heta mbaʼe ijetuʼúva, ohasa asy, ha imboriahuetereíramo jepe hikuái, ovyʼaiterei ha ipojera”. Umi macedonio noikotevẽi vaʼekue ojeʼe chupekuéra oporopytyvõ vaʼerãha. Pablo heʼi: “Koʼã ermáno ipyʼaporãgui, ijeheguiete ou ha ojerure asy oréve ikatúpa avei oreko pe oportunida oporopytyvõ hag̃ua omeʼẽvo irregálo”. Añetehápe ñamombaʼeterei mbaʼeichaitépa ipojera vaʼekue umi macedonio pórke haʼekuéra voi “imboriahuetereíramo jepe”, vyʼápe oipytyvõ umi oikotevẽvape (2 Corintios 8:2-4).
Ñaipytyvõ ñane ermanokuéra oikotevẽvape
ÁÑO 46 rupi después de Cristo, Judéape ofaltapa hiʼupy ha umi hénte iñembyahyipa. Oñevende saʼi mimi trígo ha seváda péro hepyeterei. Cristo disipulokuéra upepegua ndorekói mbaʼevete ha ni guaʼuhápe ndaikatumoʼãi opaga umi hiʼupýre, hepyetereíma chupekuéra g̃uarã. Ivai la isituasionkuéra. Ndahaʼéi voi iñembyahýinteva, síno ikatu voi omano ñembyahýigui. Péro ensegidamínte Jehová oipytyvõma koʼã kristiánope, ojapoʼỹ haguéicha arakaʼeve. ¿Mbaʼépa oiko raʼe upérõ?
(2 Corintios 8:4) Koʼã ermáno ipyʼaporãgui, ijeheguiete ou ha ojerure asy oréve ikatúpa avei oreko pe oportunida oporopytyvõ hag̃ua omeʼẽvo irregálo; ikatu hag̃uáicha upéva rupive oservi umi imarangatúvape umi ótro ndive.
Ñaipytyvõ ñane ermanokuéra oikotevẽvape
4 Apóstol Pablo oskrivírõ guare Segunda a los Corintios, oñeʼẽ mokõi mbaʼe tekotevẽvare ojapo peteĩ kristiáno. Pe kárta ojeskrivíramo jepe umi unhídope g̃uarã, lomímonte okumpli vaʼerã “ambue ovechakuéra” (Juan 10:16). Apóstol Pablo heʼi entéro kristiáno orekoha mokõi tembiapo. Primero japredika ha ñaporomboʼe. Péicha ‘ñaipytyvõ ótrope oiko porã jey hag̃ua Ñandejárandi’ (2 Cor. 5:18-20; 1 Tim. 2:3-6). Segundo, ñaipytyvõ ñane ermanokuéra oikotevẽvape. Pablo heʼi péicha ‘ñaipytyvõ ha jaserviha umi imarangatúvape’ (2 Cor. 8:4). Griégope koʼã mokõi téxtope ojepuru pe palávra diakonía. ¿Mbaʼérepa iñimportánte upéva?
5 Oipurúvo peteĩ palávrante koʼã mokõi hendápe, apóstol Pablo ohechauka umi kristiáno tee oipytyvõ vaʼerãha ótrope, ojapoháicha avei umi ótro tembiapo kongregasionpegua. Upe mboyve Pablo heʼíma voi kuri: “Oĩ diferénte tembiapo ñaipytyvõ hag̃ua ótrope, ha upéicharamo jepe peteĩnte ñande Ruvicha. Pe espíritu sánto ojapoka umi héntepe diferénte tembiapo, péro [...] opa koʼã mbaʼe ojapoka peteĩ espíritunte” (1 Cor. 12:4-6, 11). Pe apóstol heʼi avei jajapóvo umi diferénte tembiapo kongregasiónpe ‘jaserviha Ñandejárape’ (Rom. 12:1, 6-8). Ndareíri apóstol Pablo ovyʼaiterei ikatu haguére oipuru itiémpo ‘oservi hag̃ua ermanokuérape’ (Rom. 15:25, 26).
6 Pablo oipota vaʼekue umi Corintogua ontende oipytyvõ jave iñermanokuérape oadoraha avei Jehovápe. Upearã heʼi: ‘Peẽ ndahaʼéi peikuaaukánteva umi marandu porã oñeʼẽva Crístore, síno pekumpli avei umíva’ (2 Cor. 9:13). Umi kristiáno ojaposeterei Jesús omboʼe vaʼekue ha upévare oipytyvõ iñermanokuérape. Pablo heʼi umi mbaʼe porã ojapóva hikuái ótro rehehápe ohechaukaha ‘Ñandejára imbaʼeporãitereiha’ (2 Cor. 9:14; 1 Ped. 4:10). Oñeʼẽvo ko témare Ñemañaha de 1 de diciembre de 1975 heʼi porã: “Ani ni mbaʼevéicharõ ñapensa Ñandejára Jehová ha Itaʼýra Jesucristo nomombaʼeiha koʼã tembiapo”. Ha añetehápe ningo Jehová omombaʼeterei umi sakrifísio jajapóva ñaipytyvõ hag̃ua ñande rapichakuéra oikotevẽvape (Rom. 12:1, 7; 2 Cor. 8:7; Heb. 13:16).
(2 Corintios 9:7) Káda uno tomeʼẽ ipyʼapýpe odesidiháicha, anítei omeʼẽ tovapukúpe ni ojejopýgui chupe; Ñandejára ohayhúgui upe vyʼapópe omeʼẽvape.
Mbaʼéichapa ojepaga umi gásto
10 Primero, ñameʼẽ jahayhúgui Jehovápe ha jajaposégui “umi mbaʼe haʼe oguerohorýva” (1 Juan 3:22). Jehová ovyʼa umi oadoráva chupe omeʼẽramo ipyʼaite guive. Apóstol Pablo imanduʼa vaʼekue umi kristiáno ipojerávare (elee 2 Corintios 9:7). Upéicharõ peteĩ kristiáno tee omeʼẽ ‘ipyʼapýpe odesidiháicha’. Ndahaʼéi oñembohovapukúva omeʼẽta haguére ikontrivusión ha natekotevẽi ojeovliga chupe upearã. Pe kristiáno ohechakuaa mbaʼépa oñekotevẽ, opensa mbaʼéichapa ikatu oipytyvõ ha ojapo upéicha. Jehová ohayhu peichagua persónape, la Biblia heʼi voi ‘Ñandejára ohayhu upe vyʼapópe omeʼẽvape’. Ha ótra traduksión heʼi: ‘Ñandejára ningo ohayhu pe omeʼẽvape ipyʼaporãgui’.
Mbaʼépa ñaaprende Ñandejára Ñeʼẽgui
(2 Corintios 9:15) Jaagradese Ñandejárape pe rregálo ijojahaʼỹva omeʼẽvare ñandéve.
‘Jaagradese Ñandejárape pe rregálo ijojahaʼỹvare’
2 Haʼe oikuaa porã Jesús sakrifísio rupive Jehová katuete okumplitaha opa mbaʼe oprometéva (elee 2 Corintios 1:20). Péro “pe rregálo ijojahaʼỹva” ndahaʼéi Jesús sakrifísionte. Upévape oike opa mbaʼe porã Ñandejára omeʼẽtava ñandéve ñanderayhúgui. Añetehápe ningo ko rregálo ndaijojahái. Upévare iporã ñañeporandu: “¿Mbaʼéichapa añeñandu ko rregálo porãitére? ¿Mbaʼépa ikatúma ajapo koʼág̃a og̃uahẽ mboyve pe Konmemorasión?”. Ko áñope pe fécha jagueromanduʼa hag̃ua Jesucristo omano hague, hoʼáta miércoles 23 de marzo.
(2 Corintios 10:17) “Pe oñembotuicháva, toñembotuicha Jehová rehe”.
g99-S 8/7 20, 21
¿Ivaípa ñandeorgullóso?
Escrituras Griégaspe pe palávra kaukjáomai ojetradusi “ñañembotuicha, ñañemombaʼeguasu, javyʼa” ha ikatu heʼise álgo iporãva térã ivaíva. Por ehémplo Pablo heʼi vaʼekue: “Javyʼákena jarekógui esperánsa Ñandejára omeʼẽtaha ñandéve hekomimbipa”. Upéi heʼi avei: “Pe oñembotuicháva, toñembotuicha Jehová rehe” (Romanos 5:2; 2 Corintios 10:17). Upéva heʼise ñandeorgullóso vaʼerãha Jehová haʼe haguére ñande Jára, upéva ñanepytyvõta javyʼa hag̃ua jaikuaa haguére héra ha umi kualida porãita orekóva.
20-26 DE MAYO
TESÓRO OĨVA ÑANDEJÁRA ÑEʼẼME | 2 CORINTIOS 11-13
“Pablo oreko vaʼekue peteĩ ñuatĩ oikutúva chupe hetépe”
(2 Corintios 12:7) térã ojekuaauka rupi chéve umi marandu ijojahaʼỹva. Ani hag̃ua añemombaʼeguasueterei oñemeʼẽ chéve peteĩ ñuatĩ chekutúva che retépe, peteĩ Satanás ánhel osegíva cherovapete ani hag̃ua añembotuichaiterei.
w08-S 15/6 3 párr. 3
Noñentregái oĩramo jepe umi mbaʼe omokangýva chupekuéra
Apóstol Pablo haʼe vaʼekue peteĩ Ñandejára siérvo ifiélva ha 3 vése ojerure asy vaʼekue Jehovápe oipeʼamínte hag̃ua chugui peteĩ “ñuatĩ” oikutu rasýva chupe hetépe, térã peteĩ pruéva térã provléma orekóva ha osegíva ‘ohovapete’ chupe. Ndajaikuaái ningo mbaʼépa upéva, péro peteĩ ñuatĩcha kontinuadoite omolesta vaʼekue chupe ha ikatu kuri upévare ijetuʼu chupe odisfruta hag̃ua iservísiope. ¿Mbaʼéichapa Jehová orresponde raʼe Páblope? Haʼe heʼi chupe: “Che mbaʼeporã ijojahaʼỹva ovaletereíma ndéve g̃uarã; che podér imbareteve rupi nekangy jave”. Jehová ndoipeʼái kuri Páblogui pe mbaʼe oikutu asýva chupe peteĩ ñuatĩcha ha Pablo tekotevẽ kuri osegi ogueropuʼaka upéva, péro haʼe heʼi: “Chekangy jave ningo chepoderóso avei” (2 Cor. 12:7-10). ¿Mbaʼépa heʼise upéva?
(2 Corintios 12:8, 9) Upéicha rupi, tres vése ajerure asy ñande Ruvichápe oipeʼami hag̃ua chehegui ko ñuatĩ. 9 Péro haʼe heʼi chéve: “Che mbaʼeporã ijojahaʼỹva ovaletereíma ndéve g̃uarã; che podér imbareteve rupi nekangy jave”. Upévare, che vyʼápe añembotuicháta chekangy jave, ikatu hag̃uáicha Cristo podér opyta che ári.
Jehová omeʼẽ “espíritu sánto umi ichupe ojerurévape”
17 Ñandejára heʼi Páblope: “Che ningo romombarete, ha upévante upe nde reikotevẽva, pe che puʼakakue ojehechakuaavégui pe máva ikangýramo”. Ha pe apóstol voi heʼi upémaramo: “Upévare avyʼa uvei chekangykue rehe, ojehechauka hag̃ua che pype pe Cristo puʼaka [‘Cristo puʼaka chemoʼã hag̃ua peteĩ óga kárpaicha’]” (2 Corintios 12:9, BNP; Salmo 147:5). Pablo ohechauka Ñandejára, Cristo rupive, omyasãi hague hiʼári ipuʼaka haʼerõguáicha peteĩ óga kárpa omoʼãva chupe. Koʼág̃arupi, Jehová avei ombohovái ñane ñemboʼe upéicha, omyasãivo ipuʼaka omoʼã hag̃ua umi chupe oservívape.
18 Peteĩ óga kárpa ndojokói pe ama oúva térã pe yvytu oipejúva, péro ñanemoʼã chuguikuéra. Upéicha avei, “pe Cristo puʼaka” ndojokói umi jehasa asy oúva ñandéve. Upéicharõ jepe, ñanemoʼã umi mbaʼe vai ko múndope oĩvagui ha umi omboúvagui Satanás, oisãmbyhýva ko múndo (Apocalipsis 7:9, 15, 16). Upévare, ndojeíriramo jepe ndehegui pe mbaʼe nembohasa asýva, reikuaa vaʼerã Jehová ohechaha ha ohenduha ‘rejerurévo chupe nepytyvõ hag̃ua’ (Isaías 30:19; 2 Corintios 1:3, 4). Pablo ohai: “Pejeroviakuaa [...] Ñandejára rehe, haʼe ndohejavaʼerãi ojehu peẽme mbaʼeve ikatuʼỹ vaʼerã pegueropuʼaka. Upéva rangue, [pejejopy vai vove] [...] Ñandejára penepytyvõ vaʼerã pegueropuʼaka hag̃ua, ha omeʼẽ vaʼerã peẽme mbaʼéichapa pesẽ hag̃ua ha ikatu hag̃ua pegueropuʼaka” (1 Corintios 10:13, BNP; Filipenses 4:6, 7).
(2 Corintios 12:10) Upéicha rupi che avyʼa chekangy jave, oĩ jave okopíva cherehe, aikotevẽ jave, oĩ jave chepersegíva, ha ahasa asy jave Cristo rehehápe. Chekangy jave ningo chepoderóso avei.
“Haʼe omombarete umi ikaneʼõvape”
8 (Elee Isaías 40:30). Oĩ peteĩ mbaʼe siémpre jareko vaʼerã enkuénta: ñandekatupyrýramo jepe heta mbaʼépe, núnka ndaikatumoʼãi jajapo entéro mbaʼe ñandejehegui reínte. Apóstol Pablo ikatupyry vaʼekue ojapo hag̃ua heta mbaʼe, péro ndaikatúi ojapo entéro umi mbaʼe ojaposéva. Haʼe omombeʼúrõ guare Jehovápe mbaʼéichapa oñeñandu, Jehová heʼi chupe: “Che podér imbareteve [...] nekangy jave”. Pablo ontende porã mbaʼépa la Jehová heʼiséva chupe, upévare heʼi: “Chekangy jave ningo chepoderóso avei” (2 Cor. 12:7-10). ¿Mbaʼépa heʼise upéva?
9 Pablo ohechakuaa vaʼekue ndaikatuiha ijehegui reínte ojapo opa mbaʼe ojaposéva, ha oikotevẽha oipytyvõ chupe álgien ipoderosovéva. Ñandejára espíritu oipytyvõ kuri Páblope ikangy jave. Péro ndahaʼéi upévante, omombarete avei chupe ojapo hag̃ua umi mbaʼe ndaikatumoʼãiva ojapo ijeheguínte. Ñandéve avei Jehová ikatu omeʼẽ ijespíritu sánto ñanembarete hag̃ua.
Mbaʼépa ñaaprende Ñandejára Ñeʼẽgui
(2 Corintios 11:23-27) ¿Haʼekuéra piko Cristo rembiguái? ¡Ambohovái itarovávaicha! Cheichagua ndaipóri: hetave ambaʼapo, hetave vése aha kárselpe, hetaiterei vése añembyepoti, ha hetaiterei vése haimete mete amano. 24 Cinco vése umi judío chembyepoti, ha káda vuélta chenupã hikuái treinta y nueve vése. 25 Tres vése ajegarrotea, una ves chejapi hikuái itápe, aviaha jave várkope tres vése ore várko oñehundi, mar mbytépe apyta peteĩ pyhare ha peteĩ ára pukukue. 26 Pyʼỹi ajapeligra aviaha jave, ajapeligra rríope, ajapeligra mondaha káusare, ajapeligra che retãyguakuéra káusare, ajapeligra tetã ambuegua káusare, ajapeligra pe siudápe, ajapeligra desiértope, ajapeligra márpe, ajapeligra umi ermáno guaʼu apytépe. 27 Ambaʼapo pohýi chekarapãmba peve, heta vése ndakevéi pyharekue, cheñembyahýi ha cheuhéi, pyʼỹinte ndarekói haʼu vaʼerã, cheroʼy ha ndacheaói.
Ñambohovái pyʼaguasúpe umi mbaʼe ijetuʼuetéva
7 Jahechamína koʼág̃a Pablo ohasa vaʼekue. Haʼe ningo ojapeligra “siudápe”, “desiértope” ha “márpe”. Avei ‘iñembyahýi ha ijuhéi’, ‘iroʼy ha ndaijaói’. Haʼe omombeʼu opyta hague “mar mbytépe [...] peteĩ pyhare ha peteĩ ára pukukue”. Oiméne upérõ imanduʼa ivárko oñehundírõ guare peteĩva iviáhepe (2 Cor. 11:23-27). Ohasáramo jepe koʼã mbaʼe vai, ndohejái umíva oguapy hese ha akóinte ovyʼa oservívo Jehovápe. Peteĩ jey katu haimete omano, péro haʼe heʼi: “Upéva oiko ani hag̃ua rojerovia orejehe, síno Ñandejárare, omopuʼãva umi omano vaʼekuépe. Pe ñemano ningo tuicha mbaʼe, ha upévagui haʼe oresalva kuri ha oresalva jeýta” (2 Cor. 1:8-10). Ndaiporiguasúi tapicha ohasáva hetaite mbaʼe ijetuʼúva Pablo ohasa haguéicha. Péro sapyʼánte ikatu avei ñañeñandu haʼéicha jahasa jave pelígro. Upéicha jave ikatu jasegi Pablo ehémplo ha ñandepyʼaguasu.
(2 Corintios 12:2-4) Aikuaa peteĩ kuimbaʼépe, haʼéva Cristo disípulo, ha ojapo catorce áño ojegueraha hague pe yvága mbohapyha peve (che ndaikuaái hete rehepa, térã heteʼỹ rehe, péro Ñandejára oikuaa). 3 Añetehápe aikuaa upe kuimbaʼépe. Ñande Ruvicha ogueraha chupe pe paraísope (che ndaikuaái hete rehepa, térã heteʼỹ rehe, péro Ñandejára oikuaa). 4 Ha oĩ aja pe paraísope, haʼe ohendu ñeʼẽ ikatuʼỹva oñemombeʼu ha ndovaléiva peteĩ kuimbaʼe heʼi.
Oñeporandúva jepi
Pe “yvága mbohapyha” oñemensionáva 2 Corintios 12:2-pe posívlemente haʼe hína pe Rréino Mesiániko oĩva Jesucristo pópe ha ogovernatahápe hendive umi 144.000 unhído. Ko goviérnope oñehenói avei pe ‘yvága pyahu’ (2 Ped. 3:13).
Upe goviérnope oñehenói “yvága mbohapyha” pórke tuichaiterei mbaʼe ha ndaipóri ohupytýva chupe.
Pe ‘paraíso’ Pablo “ojegueraha” haguépe peteĩ visión rupive, ikatu hína heʼise mbohapy mbaʼe. Primero, pe paraíso oĩtava ko yvy ape ári. Segundo, jaikotaha pyʼaguapýpe pe múndo pyahúpe ha péva tuichaitevetaha pe pyʼaguapy koʼág̃a jarekóvagui Ñandejára puévlope. Ha tercero, Ñandejára paraíso yvagapegua. Koʼã mbohapy mbaʼe oĩta al mísmo tiémpo ág̃a ou vove Ñandejára múndo pyahu.
27 DE MAYO AL 2 DE JUNIO
TESÓRO OĨVA ÑANDEJÁRA ÑEʼẼME | GÁLATAS 1-3
“Derechoite haʼe chupe hovaitépe”
(Gálatas 2:11-13) Cefas oúrõ guare Antioquíape katu, derechoite haʼe chupe hovaitépe oĩ vaiha upe ojapóva. 12 Ou mboyve umi kuimbaʼe ombou vaʼekue Santiago, haʼe okaru oikóvo kuri umi tetã ambueguándi; péro og̃uahẽvo umi kuimbaʼe, haʼe ndojapovéima upéva ha oñemomombyry, okyhyje rupi umi oñesirkunsidávagui. 13 Umi ótro judío hovamokõi avei haʼéicha; ha ipahápe Bernabé entéro hovamokõima avei haʼekuéraicha.
¿Rehechápa pe hustísia Jehová ohechaháicha?
16 (Elee Gálatas 2:11-14). Pedro okyhyje hapicha yvypóragui (Prov. 29:25). Haʼe oikuaa porã mbaʼépa Jehová opensa umi ndahaʼéivare judío. Péro oipyʼapyeterei chupe la ikatúva opensa umi kristiáno Jerusalengua ohechávo chupe ojeheʼaha umi kristiáno ndahaʼéivare judío. Apóstol Pablo heʼi Pédrope hovamokõiha. Pablo oĩ kuri pe rreunión ojejapo vaʼekuépe áño 49-pe Pedro odefendérõ guare umi kristiáno ndahaʼéivape judío (Hech. 15:12; Gál. 2:13). ¿Mbaʼéichapa orreaksionáta umi kristiáno noñesirkunsidáiva Pedro omboyke haguére chupekuéra? ¿Omboguapýtapa ijehe upe oikóva ha ohejáta ombotropesa chupekuéra? ¿Operdétapa Pedro ipriviléhio upe ojapo vaʼekuére?
(Gálatas 2:14) Péro che ahechávo haʼekuéra ndoikoiha pe marandu porã heʼiháicha, haʼe Céfaspe enterove rovake: “Nde ningo judío ha upéicharamo jepe ndereikói umi judíoicha, síno umi tetã ambueguáicha, ¿ha piko mbaʼéicha reovligáta umi tetã ambueguápe oiko hag̃ua umi judío oikoháicha?”.
Enterove ohayhúva Ñandejárape “noñepysangamoʼãi”
12 Pedro katu okyhyje vaʼekue hapicha yvypóragui, ha ojapóramo jepe Jesús ha Jehová heʼíva, sapyʼánte tuicha ojavy. Por ehémplo, tres vése voi onega opavave rovake oikuaaha Imboʼehárape (Luc. 22:54-62). Tiémpo rire, ojapo peteĩ mbaʼe kristianokuéra ndojapói vaʼerã: otrata iñimportantevévaramo umi ermáno judío oñesirkunsida vaʼekuépe, ha oapoʼi umi ndahaʼéivape judío. Péro apóstol Pablo oikuaa porã kongregasiónpe ndovaleiha japoroporavo térã ñamboyke avavépe, ha ohechakuaa Pedro ojapo vaietereiha. Upémarõ, operhudika mboyve ermanokuérape, ojagarra Pédrope ha hovaitépe heʼi chupe naiporãiha upe ojapóva (Gál. 2:11-14). ¿Mbaʼéichapa oñeñandu Pedro? ¿Ohejápa pe karréra openságui Pablo otakysenteha hese ha ipochy oñemoñeʼẽ haguére chupe? Nahániri, haʼe oñemoĩ ojepyʼamongeta umi mbaʼe heʼi vaʼekuére chupe, oñehaʼã ojapo, ha osegi pe karréra oporogueraháva jeikove opaʼỹvape.
Mbaʼépa ñaaprende Ñandejára Ñeʼẽgui
(Gálatas 2:20) Koʼág̃a añemosaingo yvyráre Cristo ndive. Ndahaʼevéima che la aikovéva, síno Cristo oiko chendive. Añetehápe koʼág̃a aiko hína yvypóraicha ajerovia rupi Ñandejára Raʼýre, haʼe ningo cherayhu ha oñemeʼẽ cherehehápe.
Jasegíkena jaservi Jehovápe ‘jahasa asýramo’ jepe
20 Péro, ¿mbaʼéichapa ñambohováita umi mbaʼe ikatúva ñanemokangy saʼi saʼípe ha jahechakuaaʼỹre? ¿Mbaʼépa ñanepytyvõta ani hag̃ua ñañedesanima? Jajepyʼamongeta vaʼerã Jesús sakrifísiore. Pablo ojapo vaʼekue upéva. Haʼe sapyʼánte oñeñandu vai vaʼekue pekadór haguére, péro oikuaa porã Cristo ojesakrifika hague osalva hag̃ua yvyporakuéra pekadórpe. Upévare oskrivi: “Añetehápe koʼág̃a aiko hína yvypóraicha ajerovia rupi Ñandejára Raʼýre, haʼe ningo cherayhu ha oñemeʼẽ cherehehápe” (Gál. 2:20). Pablo omombaʼeterei Jesús sakrifísio ha orrekonose osalva hague chupe.
21 Jahechakuaáramo Jehová omeʼẽ hague Itaʼýra káda persóna rehehápe, tuichaiterei ñanepytyvõta. Péro upéva ndeʼiséi ojeitamaha ñandehegui pe desánimo. Ikatu voi ñañedesanima mimi og̃uahẽ meve pe múndo pyahu. Péro ani ñañentrega. Ñanemanduʼákena umi oaguantáva ipahaite peve, orresivitaha pe prémio. Saʼietereíma ofalta Ñandejára Rréino omoĩ hag̃ua pyʼaguapy ha oipytyvõ hag̃ua yvyporakuéra iñeʼẽrendúvape ohupyty hag̃ua perfeksión. Ñañehaʼãmbaitékena jaike hag̃ua Ñandejára Rréinope, ñambohováiramo jepe heta mbaʼe ñanembohasa asýva.
(Gálatas 3:1) ¡Ajépa pendevýro peẽ gálata! Peẽme ningo ojehechauka porã kuri Jesucrístope oñemosaingo hague yvyráre. ¿Máva piko hína upe penembotavýva koʼág̃a?
it-1-S 984
Gálatas, umi Galaciaguápe g̃uarã
Pablo heʼírõ guare: “Ajépa pendevýro peẽ gálata”, ndohechaukái oñeʼẽ hague umi gálata oikóvape nórte gotyo Galáciape añónte (Gál 3:1), síno Pablo okorrehi hína kuri unos kuánto persóna oĩvape umi kongregasiónpe Galáciape, ha ohejáva hína ogueraha vai chupekuéra umi heʼíva ojesegi vaʼerãha oñekumpli Moisés léi. Koʼãva haʼe kuri judío ohechaukaséva hekojojaha okumplívo Moisés léi, ha ndohechakuaái hikuái “peteĩ kuimbaʼe hekojojaha ojerovia rupi Cristo Jesús rehe añónte, ndahaʼéi okumpli haguére pe léi heʼíva” (2:15–3:14; 4:9, 10). Umi kongregasión oĩvape Galáciape (1:2) oĩ kuri judío ha ndahaʼéiva judío, koʼã ndahaʼéiva judío apytépe oĩ vaʼekue persóna ótro tetãygua oikéva judiokuéra rrelihiónpe ha oñesirkunsidáva péro avei oĩ kuri umi ótro tetãygua noñesirkunsidáiva, koʼãva posívlemente haʼe kuri celta (Hch 13:14, 43; 16:1; Gál 5:2). Enterovépe ojeʼe kuri gálata pórke oiko Galáciape. Umi mbaʼe Pablo heʼívare ikatu ñapensa haʼe oskrivi hague umi kristiáno haʼe oikuaa porãvape ha oikóva sur gotyo Galáciape, ha ndahaʼéi umi oikóvape nórte gotyo, pórke umívape haʼe ndoikuaái voi kuri ha posívlemente núnka ndovisitáiva chupekuéra.