Jasokorre ñane ermanokuéra oikotevẽvape

8:1-4; 9:7

Entéro kristiáno jareko mokõi tembiapo. Primero ‘ñaipytyvõ ótrope oiko porã jey hag̃ua Ñandejárandi’, upéva heʼise japredika ha ñaporomboʼe. Segundo, ‘ñaipytyvõ ha jaservi umi imarangatúvape’, upéva heʼise ñaipytyvõ vaʼerãha ñane ermanokuéra oikotevẽvape, tahaʼe oiko jave sarambi térã ótro situasiónpe (2Co 5:18-20; 8:4). Upéicharõ ñaipytyvõ ñane ermanokuéra oikotevẽvape iñimportánte avei Jehovápe g̃uarã umi ótro tembiapo kongregasionpeguáicha. Jajapóramo péicha jahupytýta koʼã mbaʼe:

• Ñameʼẽta ermanokuérape umi mbaʼe oikotevẽva (2Co 9:12a).

• Ñaipytyvõta chupekuéra pyaʼe oñepyrũ jey hag̃ua ojapo ijestúdio personál, oho jey hag̃ua rreunionhápe ha osẽ hag̃ua opredika. Péicha ohechaukáta hína oagradeseha Jehovápe oipytyvõ haguére chupekuéra (2Co 9:12b).

• Oñembotuicháta Jehovápe (2Co 9:13). Ñaipytyvõvo ñane ermanokuérape oikotevẽ jave, umi opensa vai vaʼekue Testigokuérare jepe ikatu hína okambia opensa lája.