Ñandejára ndojapói mbaʼeve sarambikuépe (1 Corintios 14:33). Upévare ñaĩ segúro umi oservíva chupe oĩ vaʼerãha organisádo. ¿Mbaʼéichapa oñeorganisa umi kongregasión? ¿Mbaʼéichapa jaapojakuaa umi arréglo ojejapóva?

1. ¿Mávapa omoakã pe kongregasión?

‘Cristo omoakã pe kongregasión’ (Efesios 5:23). Yvága guive, Jesús omoakã entéro umi tembiapo ojapóva Jehová puévlo ko múndo tuichakuére. Upearã Jesús onombra “pe esklávo de konfiánsa ha iñarandúva”, haʼéva peteĩ grúpo oĩháme unos kuánto ansiáno iñexperiénsiava, oñehenóiva avei Kuérpo Governánte (elee Mateo 24:45-47). Ojapo haguéicha umi apóstol ha ansiáno oĩ vaʼekue Jerusalénpe, pe Kuérpo Governánte avei ogia entéro umi kongregasión oĩvape ko múndo tuichakuére (Hechos 15:2). Péro koʼã kuimbaʼe nomoakãi pe organisasión, síno haʼekuéra ojerovia Jehováre, osegi pe gía oĩva Iñeʼẽme ha oñemoĩ Jesús poguýpe.

2. ¿Mávapa umi ansiáno ha mbaʼépa ojapo hikuái?

Umi ansiáno ningo ermáno ifiélmava heta áñore. Haʼekuéra omboʼe Jehová puévlope la Biblia, oipytyvõ ha omokyreʼỹ chupekuéra. Umi ansiánope ndojepagái la ojapóvare. Upéva rangue, haʼekuéra ojapo upéva “vyʼápe ha kyreʼỹme Ñandejára renondépe”, ndahaʼéi oĩgui oovligáva chupekuéra ni iplatarayhúgui (1 Pedro 5:1, 2). Umi ansiánope oipytyvõ umi siérvo ministeriál, ikatúva kon el tiémpo okalifika oiko hag̃ua avei chuguikuéra ansiáno.

Pe Kuérpo Governánte onombra unos kuánto ansiánope haʼe hag̃ua superintendénte de sirkuíto. Koʼã ermáno ovisita jepi unos kuánto kongregasiónpe ogia ha omokyreʼỹ hag̃ua chupekuéra. Umi superintendénte oreko enkuénta umi rrekisíto oĩva la Bíbliape oikuaa hag̃ua ikatúpa onombra peteĩ ermánope haʼe hag̃ua siérvo ministeriál térã ansiáno (1 Timoteo 3:1-10, 12; Tito 1:5-9).

3. ¿Mbaʼe rresponsavilidápa oreko káda testígo de Jehová?

Entéro umi oĩva kongregasiónpe ombotuicha Jehová réra opartisipávo de diferénte fórma umi rreunionhápe, ha avei ojapóvo opa ikatúva predikasiónpe (elee Salmo 148:12, 13).

EJEPYʼAMONGETAMÍNA

4. Jesús ñanemoakã mborayhúpe

Jesús omeʼẽ ñandéve peteĩ invitasión iporãitereíva. Elee Mateo 11:28-30, ha upéi erresponde koʼã porandu:

• ¿Ojopyetereípa Jesús umi oĩvandi ipoguýpe? ¿Mbaʼéichapa ñanemoñeñandu haʼe ñanemoakã lája?

VIDÉO: Ansianokuéra oipytyvõ oiko rire peteĩ terremóto Nepálpe (4:56)

La Biblia heʼi porã mbaʼéichapa umi ansiáno okumpli vaʼerã irresponsavilida.

Elee Isaías 32:2 ha 1 Pedro 5:1-3, ha upéi erresponde koʼã porandu:

• ¿Mbaʼéichapa reñeñandu reikuaávo umi ansiáno oñehaʼãha osegi Jesús ehémplo ha oipytyvõ enterovépe?

• ¿Mbaʼe mbaʼépa ojapo avei umi ansiáno osegi hag̃ua Jesús ehémplo?

5. Umi ansiáno ñanemboʼe iñehémplo rupive

VIDÉO: Umi ansiáno ñandegia (7:39)

Jesús heʼi vaʼekue mbaʼe mbaʼépa ojapo vaʼerã umi ogiáva kongregasiónpe. Elee Mateo 23:8-12, ha upéi erresponde koʼã porandu:

• Según la Biblia, ¿mbaʼépa oñehaʼarõ umi ansiánogui? ¿Ndépa ere umi líder ótro rrelihionpegua ojapoha koʼã mbaʼe heʼíva la Bíbliape?

1. Umi ansiáno siémpre omombarete iñamista Jehovándi ha oipytyvõ avei ifamiliakuérape ojapo hag̃ua upéva

2. Umi ansiáno oñeinteresa enterovévare kongregasiónpe

3. Umi ansiáno opredika meme

4. Umi ansiáno omboʼe ermanokuérape, avei oipytyvõ oñemopotĩ hag̃ua pe Salón ha ojapo hetave mbaʼe

6. ¿Mbaʼéichapa ikatu jaapoja umi ansiánope?

La Biblia omombeʼu porã ñandéve mbaʼérepa jaapoja vaʼerã umi ansiánope. Elee Hebreos 13:17, ha upéi erresponde koʼã porandu:

• ¿Mbaʼérepa la Biblia heʼi ñaneñeʼẽrendu vaʼerãha umi ansiánope? ¿Mbaʼépa nde repensa upévare?

Elee Lucas 16:10, ha upéi erresponde ko porandu:

• ¿Mbaʼérepa ñaneñeʼẽrendu vaʼerã umi ansiánope sapyʼánte ñapensáramo jepe ndahaʼeiha la iñimportantetereíva peteĩ mbaʼe?

RRESÚMEN

Jesús omoakã pe kongregasión. Umi ansiáno siémpre oñemoĩ ipoguýpe, ha ñande vyʼápe jaapoja chupekuéra pórke ñanepytyvõ ha ñanemboʼe iñehémplo rupive.

Rrepáso

• ¿Mávapa omoakã pe kongregasión?

• ¿Mbaʼéichapa umi ansiáno oipytyvõ pe kongregasiónpe?

• ¿Mbaʼe rresponsavilidápa oreko káda testígo de Jehová?

EINVESTIGA HAG̃UA

Ehecha mbaʼeichaitépa pe Kuérpo Governánte ha umi ótro ansiáno ojepyʼapy umi ermanokuérare ñane tiémpope.

Oñemombarete umi ermánope ojeproivihápe ñande óvra (4:22)

Ehecha mbaʼe mbaʼépa ohasa jepi umi superintendénte de sirkuíto.

Mbaʼéichapa peteĩ superintendénte ojapo ivisíta kampañaháre (4:51)

Ehecha mbaʼéichapa kuñanguéra oipytyvõ kongregasiónpe.

“¿Oĩpa umi testígo de Jehová apytépe kuña oporomboʼéva?” (La Atalaya 1 de septiembre de 2012)

Ehecha mbaʼéichapa umi ansiáno oñehaʼãmbaite omokyreʼỹ hag̃ua ermanokuérape.

“Ansianokuéra ‘ombaʼapo ñande ykére javyʼa hag̃ua’” (Ñemañaha 15 de enero de 2013)

1. ¿Mbaʼe konséhopa la Biblia omeʼẽ menakuérape?

Jehová onkarga pe kuimbaʼépe omoakã hag̃ua ifamília (elee Efesios 5:23). Upévare oipota odesidi umi mbaʼe ou porãtava ifamíliape. La Biblia heʼi menakuérape: “Pesegíkena pehayhu pene rembirekópe” (Efesios 5:25). Upéva heʼise pe kuimbaʼe otrata porã vaʼerãha hembirekópe, tahaʼe oĩ jave haʼekuéra haʼeño térã ótro rovake. Avei oprotehe vaʼerã chupe ha ojapo vaʼerã opa ikatúva omoñeñandu porã hag̃ua hembirekópe ha pono ofalta chupe mbaʼeve (1 Timoteo 5:8). Ha iñimportanteveha, oipytyvõ vaʼerã hembirekópe oñemoag̃uive hag̃ua Jehováre (Mateo 4:4). Upearã ikatu oñemboʼe ha olee la Biblia oñondive. Pe kuimbaʼe ohayhu vaʼerã hembirekópe ha oñangareko hese, upéicharõmante Jehová oipotáta chupe iñamigorã (elee 1 Pedro 3:7).

Jesús omoakã pe kongregasión (Efesios 5:23). Ha ñane tiémpope, Jesús ojevale “pe esklávo de konfiánsa ha iñarandúva” rehe odirihi hag̃ua isegidorkuérape ko yvy ape ári (elee Mateo 24:45). Jesús voi onombra pe esklávope ha omeʼẽʼimi chupekuéra autorida. Upéicharõ jepe, ko esklávo osegi vaʼerã iñeʼẽrendu Crístope ha oservi iñermanokuérape. Péro, ¿mávapa hína pe esklávo? ¿Ha mbaʼéichapa okuida ñanderehe?