Jajeheʼákena umi ohayhúvare Jehovápe

¿Mbaʼérepa jahasa vaʼerã tiémpo umi ohayhúvandi Jehovápe? Ñane amigokuéra ikatu hína ñanemokyreʼỹ jajapo hag̃ua iporãva térã ikatu ñandegueraha vai (Pr 13:20). Por ehémplo rréi “Jehoás ojapo meme vaʼekue iporãva Jehová renondépe” ohasa memérõ guare tiémpo pe saserdóte Jehoiadá ndive (2Cr 24:2). Péro Jehoiadá omano rire, Jehoás ou ijúnta vai ha oñemomombyry Jehovágui (2Cr 24:17-19).

Síglo primérope, apóstol Pablo okompara kuri pe kongregasión kristiána peteĩ ‘óga tuichávare’ ha umi oĩvape kongregasiónpe katu umi “mbaʼyru” ojepurúvare pe ógape. Ñandehegui oikóta mbaʼyru ikatu vaʼerãichagua ‘ojepuru porã’ ndajajeheʼáiramo umi persóna ojapóvare umi mbaʼe ndogustáiva Jehovápe, haʼéramo jepe testígo de Jehová térã ñane hénte (2Ti 2:20, 21). Upévare jaheka vaʼerã ñane amigorã umi persóna ohayhúva Jehovápe ha ñanemokyreʼỹva jaservi hag̃ua chupe.

EHECHA PE VIDÉO ÑAMBOYKE UMI JÚNTA VAI, UPÉI ERRESPONDE KOʼÃ PORANDU:

• ¿Mbaʼéichapa japillaʼỹre ikatúma hína ñane júnta vai?

• ¿Mbaʼépa oipytyvõ umi mbohapy ermánope oheja hag̃ua pe júnta vai orekóva?

• ¿Mbaʼe téxtopa ikatu ñanepytyvõ jaiporavo porã hag̃ua ñane amigorã?