Ñanembovyʼa umi rregálo oúva Jehovágui

1. Oĩ rupi mbaʼe porã

ñandepyʼarory,

umi rregálo porãite

Jehovágui oguejy.

Ko múndope heta mbaʼe

pyʼỹi okambiapa,

Jehová katu ñanderayhúgui

oĩ ñanendive.

2. Aníke rejepyʼapy

reʼu vaʼerã rehe,

umi guyra mimi jepe

Jehová omongaru.

Hese rejerovia vaʼerã

haʼéngo nderayhu,

ha oikuaa nde reñandúva,

haʼe nekonsola.

3. Ko múndope oñemombaʼe

umi mbaʼerepy;

aníkena nembotavy,

nandesalvamoʼãi.

Ñaime porã Jehová ndive

iñimportanteve,

ha péicha ñande javyʼáta

opa ára g̃uarã.