Jehovápe añemboʼe

1. Mburuvicha tuichavéva Jehová,

ndaiporichéne nembojojaha.

Ne renondépe koʼág̃a aju,

ehendumína ko che ñemboʼe.

Nde rehecha ajavy jepiha,

anína pévare nde chemboyke.

Cristo ou omano cherehe,

che nembaʼéma upéicha rupi.

2. Avyʼaite ikatúre aiko,

pyʼaguapy ha torýpe avei.

Ahenduse ne ñeʼẽ arandu,

ani hag̃ua aheja nde rape.

Imbaretégui upe nde jyva,

ikangymívape remopuʼã.

Ha pe ne Rréino poguýpe aiko,

opaite ára g̃uarã avyʼa.

3. Enterovépe amombeʼuse,

opataha ñembyasy ha tasẽ.

Ne Rréino guýpe opa mbaʼasy,

ha oipeʼa ñemano ha pyahẽ.

Mbaʼe vai oipeʼáta Jesús;

enterove ovyʼa ha hory.

Che pyʼaitégui haʼe aguyje,

ndéve che Ru ha che Jára Jehová.