Jastudia hag̃ua pe folléto Peñatende Porãke Peikóvo!
Pe semána oñepyrũva 23 de mayo guive 20 de junio 2005 peve, pe Estúdio de Lívro de Kongregasiónpe ojestudiáta oparupiete pe folléto Peñatende Porãke Peikóvo! Ikatu reiporu porandukuéra osẽva koʼápe rejeprepara hag̃ua térã rekondusi hag̃ua pe rreunión. Pe estudiohápe ojeleevaʼerã pe follétogui, ha ojeleevaʼerã avei ikatuha peve umi téysto vívliko oñemeʼẽva.
Semána oñepyrũva 23 de mayo
◼ Páhina 3, 4: Umi mbaʼe koʼápe ojehechaukáva apytépe, mbaʼépa opokove nde rekovére? Mbaʼépa ohechauka ñandéve koʼã mbaʼe ndoikoiha peteĩ hendápente?
◼ Páhina 5: Mbaʼérepa nde reguerovia Ñandejára añetehápe ojepyʼapyha ñanderehe? Mbaʼépa ikatu ohechauka mbaʼeichaitépa ñañeinteresa Ñandejárare ha umi mbaʼe ojapóvare?
◼ Páhina 6-8: Oĩháicha Mateo 24:1-8, 14-pe, mbaʼépa heʼise koʼã mbaʼe oikóva ko múndope? Ohechaukaháicha 2 Timoteo 3:1-5, mbaʼe tiémpopepa jaikoñaína koʼáĝa? Mbaʼépa oĝuahẽhína hiʼára pahápe? Mbaʼérepa nde reguerovia La Biblia añetehápe haʼeha Ñandejára Ñeʼẽ? Mbaʼépa pe Rréino japredikáva?
◼ Páhina 9,10: Mbaʼérepa tekotevẽ ñañatende porã jadesidi haĝua umi mbaʼe káda día jajapótava, ha avei umi mbaʼe ñamotenondétava ñande rekovépe? (Rom. 2:6; Gál. 6:7.) Releévo umi porandu oĩva páhina 10-pe, mbaʼe téysto vívlikopa ou ne akãme ikatútava nepytyvõ ne rembiapópe?
Semána oñepyrũva 30 de mayo
◼ Páhina 11: Mbaʼérepa iporã ñañeporandu umi mbaʼe oĩva ko páhinape? (1 Cor.10:12; Efe.6:10-18.) Jajepyʼamongeta rire koʼã porandúre, mbaʼépa jatopa jajapohañaína ñahendu haĝua hekópe porã Jesús konsého oĩva Mateo 24:44-pe?
◼ Páhina 12-14: Mbaʼépa ‘pe huísio óra’ oĩva Revelación 14: 6, 7-pe? Mbaʼépa heʼise ‘pekyhyjéke Ñandejáragui ha pemeʼẽ chupe glória’? Mbaʼépa pe Babilonia la Grande, ha mbaʼépa ojehúta chupe? ¿Mbaʼépa tekotevẽ jajapo jahechauka haĝua ndahaʼeiha Babilonia la Grande rehegua? Mbaʼépa oikóta avei ‘pe huísio óra’ oútavape? Mbaʼépa jajapóta ndajaikuaáigui ‘arakaʼépa térã mbaʼe órapa’ oĝuahẽta pe huísio Ñandejára heʼíva outaha?
◼ Páhina 15: Mbaʼérepa iporã ñañeporandu mávapa oguereko derécho ñanesãmbyhy haĝua, ha mbaʼéichapa upéva opoko ñanderehe?
◼ Páhina 16-19: Mbaʼépa ‘umi yvága pyahu’ ha pe ‘yvy pyahu’? (2 Ped. 3:13.) Mávapa opromete umíva outaha? Mbaʼépa oguerúta umi yvága pyahu ha pe yvy pyahu? Jahupytýtapa ñande umi mbaʼe?
Semána oñepyrũva 6 de junio
◼ Páhina 20, 21: Mbaʼépa heʼivaʼekue Jesús idisipulokuérape oipytyvõva chupekuéra osẽ haĝua pe pelígro oĩhágui? (Luc. 21:20,21.) Mbaʼe oikóvopa ikatu osẽ hikuái? Mbaʼérepa tekotevẽ osẽ pyaʼe hikuái ohaʼarõʼỹre mbaʼeve? (Mat. 24:16-18, 21.) Mbaʼérepa oĩ heta nopenaivaʼekue umi mbaʼe ojeʼéva oikotaha rehe? Mbaʼéichapa heta miles tapichakuéra oĩva China ha Filipínaspe osẽ porã oñatendehaguére pe ojeʼévare? Mbaʼérepa koʼáĝa tekotevẽtereive ñahendu pe marandu omeʼẽva Ñandejára Ñeʼẽ, heʼíva ko sistéma jaikoha oñehunditaha? Jahechávo iñimportantetereiha ko tiémpo jaraháva, mbaʼépa tekotevẽ jajapo? (Pro. 24:11, 12.)
◼ Páhina 22, 23: Mbaʼérepa Austráliape, 1974-pe, ha Colómbiape, 1985-pe, heta nohendúi pe ojeʼevaʼekue oikotaha, térã nopenái pe oikóvare, ha mbaʼépa ojehu chupekuéra? Mbaʼépa nde rejapóneraʼe reimérire upépe ojeʼe jave umi mbaʼe oikótava, ha mbaʼére? Mbaʼéichapa ikatu jahechauka ñahendutahague pe ojeʼéva, ñaimérire Noé tiémpope? Mbaʼérepa heta tapicha oikosevaʼekue Sodómape ha ijerére? Mbaʼéichapa ikatu ojapo porã ñanderehe jajepyʼamongetáramo pe Sodómape oikovaʼekuére?
Semána oñepyrũva 13 de junio
◼ Páhina 24-27: Eiporu umi porandu oĩva páhina 27-pe.
Semána 8 de septiembre
◼ Páhina 28-31: Eiporu umi porandu oĩva páhina 31-pe.
Ko estúdio jajapóva ko follétogui ñanepytyvõta ‘ñañatende porã haĝua jaikóvo’, ha jahechauka haĝua ñañembosakoʼimaha. Jahechaukákena pe predikasión jajapóvape iñimportantetereiha pe marandu omeʼẽva ñandéve pe ánhel: ‘Pekyhyjéke Ñandejáragui ha pemeʼẽ chupe glória, pórke oĝuahẽma pe óra haʼe oporohusga haĝua’ (Mat. 24:42, 44; Rev. 14:7).