“Pene ñeʼẽ [...] ijukyvaʼerã”
1. Mbaʼépa heʼise ‘ñane neʼẽ ijukyvaʼerãha’?
1 “Pene ñeʼẽ iporã ha ijukyvaʼerã, ikatu hag̃ua peikuaa mbaʼéichapa pembohováita peteĩteĩme.” (Col. 4:6.) Ñane ñeʼẽ ijukyvaʼerã, upéva heʼisehína jaiporavokuaavaʼerãha pe jaʼétava ha jaʼe oñehenduse hag̃uáicha. Upéva ningo iñimportanteterei predikasiónpe.
2. Mbaʼépa ojapo Jesús opredika porãnte hag̃ua peteĩ kuña Samariayguápe?
2 Jesús ojapovaʼekue. Jesús opytuʼu jave peteĩ póso mátape, ou peteĩ kuña Samariaygua oguenohẽ hag̃ua y, ha Jesús oñeʼẽ hendive. Oñemongeta jave hikuái, pyʼỹinte pe kuña ontendeukase jepi Jesúspe umi hudío ndojoguerahaporãiha umi Samariaygua ndive. Ha umi hudío heʼíramo jepe umi Samariaygua ouha ambue tetãygua familiarégui, upe kuña heʼi Jesúspe umi Samariaygua ouha Jacob familiarégui, ha ojerovia voi upévare. Péro Jesús ndeʼíri chupe ndaupeichaiha ha osegínte oñemongeta hendive. Upéicha rupi Jesús opredika porã ha oipytyvõ upe kuña ha umi kuimbaʼe ivalleguápe (Juan 4:7-15, 39).
3. Japredika jave, mbaʼéichapa ikatu jajapo Jesús ojapohaguéicha?
3 Ñasẽ jave japredika nañanderesarairivaʼerã ñasẽhañaína ñamombeʼu hag̃ua “umi marandu porã” (Rom. 10:15). Hiʼã ningo ñandéve ñamombeʼu ñande rapichakuérape umi mbaʼe oipytyvõtava chupekuéra ha ohendusétava, ani oimoʼã ñambyaiseha chuguikuéra umi mbaʼe ogueroviáva. Jahechakuaáramo pe óga jára ogueroviáva noĩporãiha, natekotevẽi jakorrehi voi chupe upépe. Ñañatendentevaʼerã mbaʼépa heʼi hendápe porã ha ñamombaʼe chupe upévare. Ikatu hag̃uáicha jalee chupe peteĩ téysto, ikatu jaʼe: “Reñemoĩmavapa repensa koʼápe heʼívare?”.
4. Mbaʼépa jajapovaʼerã oĩramo ijuruguasúva ñandéve?
4 Mbaʼépa jajapovaʼerã pe óga jára ijuruguasu térã ojediskutisénteramo? Upéicharõ jepe nañandepochyivaʼerã ha ñandepyʼaporãvaʼerã avei hendivekuéra (2 Tim. 2:24, 25). Ha nohenduseiete voíramo pe marandu porã katu, jahakuaantevaʼerã upégui (Mat. 7:6; 10:11-14).
5. Mbaʼépa oiko peteĩ ermána pyʼaguapýpe ombohovái rupi peteĩ kuñakaraípe?
5 Umi mbaʼe porã jahupytýva. Peteĩ ermána opredikasemoʼã ivesínape, péro upe kuñakarai ipochyeterei ha ojaʼo vaipaite chupe. Upémarõ pe ermána pyʼaporãme heʼi chupe: “Ambyasyeténingo rombopochyhaguére. Ahasa jeýtama”. Ha dos semána rire upe kuñakarai oho pe ermána rógape, ojediskulpa ha heʼi ohenduseha heʼisevaʼekue chupe. Ñañeʼẽ porãnteramo ñande rapichápe, katuete nunga ñasẽ porã (Pro. 15:1; 25:15).
6. Mbaʼérepa ñambojukyvaʼerã ñane ñeʼẽ japredika jave?
6 Upévare ñañehaʼãkena ñambojuky ñane ñeʼẽ ñamombeʼu jave pe marandu porã. Ha oĩramo nañanerenduséiva, ág̃ante ótro testigo de Jehová oho jey vove hógape ikatu oñatende porã hese.